Dagiti Palagip iti Memorial

Dagiti sumaganad isut’ bambanag a masapul a maasikaso sakbay ti pannakarambak ti Memorial inton Martes, Abril 2:

◼ Tunggal maysa, agraman ti agpalawag, masapul a mapakaammuan iti eksakto nga oras ken lugar ti selebrasion.

◼ Masapul nga adda ken nakasagana ti maitutop a klase ti tinapay ken arak.—Kitaen ti Agosto 15, 1985, Pagwanawanan, panid 19.

◼ Masapul a mayeg a nasakbay iti pagtataripnongan ti maysa a maiparbeng a lamisaan, mantel, dagiti plato, ken baso wenno kopa tapno maipuesto iti lugarda.

◼ Nasken a naan-anay a madalusan ti Kingdom Hall a nasakbay.

◼ Masapul a mapili ken maiwardas a nasakbay dagiti attendant ken agipasa maipapan iti umiso a wagas ken dagiti pagrebbenganda.

◼ Adda koma urnos tapno maserbian ti asinoman a napulotan a masaksakit ken di makatabuno.

◼ No nayeskediul ti nasursurok ngem maysa a selebrasion iti isu met laeng a Kingdom Hall, masapul nga adda nasayaat a koordinasion dagiti kongregasion tapno maliklikan ti panagdadarison iti pagserkan, iti pagnaan ti publiko, ken pagparadaan ti lugan.