Sangagasut a Ribu!

Dayta ti bilang ti panangyadal iti Biblia a kayattay a makita a maireport ditoy Pilipinas iti bulan ti Agosto 1998. Posible kadi a maragpattay dayta? Wen! Idi Pebrero ken Abril, 1994 nagreporttayo iti nasurok a 100,000 a panangyadal. Iti dayta a tiempo, nasurok laeng bassit a 118,000 ti agibumbunannag iti tay-ak. Ita addaantay iti nasurok a 126,000 nga agibumbunannag, ngem ti panangyadaltayo iti Biblia iti daytoy a tawen serbisio ket agpromedio laeng iti 78,807. Agpayso a nabautisaranen ti adu kadagiti dati nga iyad-adalantayo isu a saandan a maibilang, ngem manamnama nga agtultuloy ti panangirugi kadagiti baro a panangyadal tapno masuktan dagitoy. Apay a diyo ikagumaan ti mangirugi iti baro a panangyadal iti Biblia iti daytoy a bulan a mabalin a maireport iti Agosto? Padasenyo nga usaren ti simple a singasing iti panangirugi iti panangyadal iti damo a pannakisarita iti broshur a Kalikaguman a masarakan iti parapo 5 ti artikulo iti panid 8 daytoy a Ministeriotayo iti Pagarian. No ikagumaan amin dagiti nasurok a 16,000 a regular pioneer agraman dagiti agibumbunannag ti kongregasion ti mangirugi iti baro a panangyadal a maireport iti Agosto, saan a narigat a ragpaten ti kalattayo a 100,000 a panangyadal. Anian a dir-into dayta ti panangidayaw ken Jehova!—Sal. 47:1.