Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • km 2/01 p. 8
  • Ni Jehova Mangted iti Bileg

Awan video-na ti napilim.

Pasensiakan, adda problema iti pannakai-load ti video.

  • Ni Jehova Mangted iti Bileg
  • Ti Ministeriotayo iti Pagarian—2001
  • Umasping a Material
  • Papigsaen ni Jehova ti Nabannog
    Ti Pagwanawanan Mangibumbunannag iti Pagarian ni Jehova—2000
  • “Birokenyo ni Jehova ken ti Pigsana”
    Ti Pagwanawanan Mangibumbunannag iti Pagarian ni Jehova—2000
  • Ipaayannaka ni Jehova iti Bileg
    Ti Pagwanawanan Mangibumbunannag iti Pagarian ni Jehova (Pagadalan)—2021
  • Panangpabaro ti Pigsatayo, a Di Mabannog
    Ti Pagwanawanan Mangibumbunannag iti Pagarian ni Jehova—1986
Kitaen ti Ad-adu Pay
Ti Ministeriotayo iti Pagarian—2001
km 2/01 p. 8

Ni Jehova Mangted iti Bileg

1 Ania ti makunayo maipapan ken apostol Pablo? Bayat a basbasaentayo ti libro Dagiti Aramid, maapresiartayo ti kinasaetna nga agserbi ken Jehova. Kasano nga imbanag ni Pablo ti amin nga inaramidna? Kinunana: “Ta kadagiti amin a bambanag addaanak iti bileg gapu iti daydiay mangted kaniak iti pannakabalin.” (Fil. 4:13) Magunggonaantay met iti pannakabalin nga ipapaay ni Jehova. Kasano? Babaen ti panangaprobetsar iti innem a probision nga ipapaayna kadatayo tapno maparayray ken mapabilegtayo iti naespirituan.

2 Sao ti Dios: No kasano a kasapulantayo ti mangan iti taraon tapno mataginayon ti pisikal a pigsatayo, masapul met a taraonantay ti bagitayo iti Sao ti Dios tapno makapagtalinaedtayo a nabiag iti naespirituan. (Mat. 4:4) Mangipaay ti Biblia iti bileg a mangsustiner kadatayo. Tapno mataginayon ti kinaregta ken gagartayo iti kinapudno, masapul a maaddaantayo iti makagunggona a personal a panagadal ken panagmennamenna, iti inaldaw no mabalbalin.—Sal. 1:2, 3.

3 Kararag: Napateg ti umadani ken Jehova, nangnangruna kadagiti tiempo ti naisangsangayan a panagkasapulan. Babaen ti espirituna, mangipaay ti Dios iti bileg a mangpapigsa kadagidiay agdawat kenkuana babaen ti kararag. (Luc. 11:13; Efe. 3:16) Paregtaennatay ti Kasuratan a reggetantayo ti agkararag.’ (Roma 12:12) Ar-aramidenyo kadi dayta?

4 Ti Kongregasion: Makagun-odtay met iti bileg ken pammaregta manipud kadagiti gimong ti kongregasion ken iti nabara a pannakitimpuyog a tagtagiragsakentayo kadagiti kakabsattayo sadiay. (Heb. 10:24, 25) No mariribukantayo, paregtaen ken siaayat a saranayendatayo.—Prov. 17:17; Ecl. 4:10.

5 Ti Ministerio iti Tay-ak: Ti regular a pannakiraman iti ministerio tulongannatayo nga agtalinaed a naipamaysa iti Pagarian ken kadagiti bendisionna. Maragsakan ti pusotayo no matulongantayo dagiti sabsabali a mangammo ti maipapan ken Jehova. (Ara. 20:35) Saan nga amin kadatayo ket mabalin nga umakar tapno agserbi kadagiti lugar a dakdakkel ti pakasapulan wenno makiraman iti amin-tiempo a serbisio, ngem mabalintayo ti maaddaan iti makagunggona a pannakiraman iti ministerio iti sabali a pamay-an.—Heb. 6:10-12.

6 Dagiti Kristiano a Manangaywan: Magunggonaantayo iti pammaregta ken tulong nga ipapaay dagiti panglakayen. Dinutokan ida ni Jehova nga ipastoranda ti arban ti Dios nga adda iti aywanda. (1 Ped. 5:2) Dagiti agdaldaliasat a manangaywan pabilgenda dagiti kongregasion a pagserserbianda, kas iti inaramid ni Pablo idi kaaldawanna.—Rom. 1:11, 12.

7 Ti Ulidan Dagiti Matalek: Makapabileg nga usigen dagiti makaparegta nga ulidan dagiti matalek a katrabahuan, agpadpada iti nagkauna ken moderno a panawen. (Heb. 12:1) No kasapulanyo ti pammabileg, apay a dikay basaen ti maysa kadagiti makaparegta a pakasaritaan ti biag kadagiti magasintayo, makapabileg a report iti Yearbook, wenno dagiti makapainteres a salaysay ti moderno-aldaw a pakasaritaan dagiti Saksi ni Jehova nga adda iti Manangiwaragawag a libro?

8 Maysa a kabsat a lalaki, nga agtawen itan iti agarup 95, inawatna ti kinapudno idi bumarito. Idi maysa pay laeng nga agtutubo, nasubok ti pammatina. Umuna, dadduma kadagiti aktibo idi a naitimpuyog iti kongregasion pinanawanda ti organisasion ni Jehova. Maysa pay, marigatan a mamalaybalay. Nupay kasta, kanayon a nagpannuray ken Jehova. Di nagbayag, magusgustuannan ti mangasaba. Komusta ngay ita? Iti laksid ti kumapkapuyen a salun-atna, miembro pay laeng ti pamilia ti Bethel idiay Brooklyn, nga agserserbi kas paset ti Bagi a Manarawidwid. Saanna a nagbabawyan ti panagtalinaedna iti organisasion ni Jehova.

9 Maysa a kabsat a babai a miembro ti pamilia ti Bethel idiay Britania ket nabautisaran idi agtawen iti 13. Iti simmaruno a tawen, nagpayunir a kaduana ti kabsatna a lalaki, ket makatawen kalpasan dayta, naibalud ni tatangna gapu iti neutral a takderna bayat ti Gubat Sangalubongan II. Kanayon a nagpannuray daytoy a sister iti pammabileg ni Jehova, ket intultuloyna ti nagserbi iti pudno a Dios. Idi agangay, nakiasawa iti maysa a matalek a kabsat, ket nagkaduadan a mangaramid iti pagayatan ni Jehova. Kalpasan ti 35 a tawen a panagassawada, di napakpakadaan a natay ni lakayna. Dimmawat manen iti bileg nga aggapu ken Jehova, isu a nakapagtultuloy nga agserbi ken Jehova agingga ita, a mangnamnama a makapagserbi iti agnanayon kas miembro ti pamilia ni Jehova ditoy daga.

10 Tulongan ken pabilgen ni Jehova dagiti matalek nga adipenna. “Isu ti mangpapigsa iti nakapuy: ken iti daydiay awan ti kabaelanna isu pawadwadenna iti pigsa.” Magun-odantayo daytoy di maibus a gubuayan ti pannakabalin babaen ti panangaprobetsar iti amin nga innem a probision a kadakdakamat. Laglagipenyo: “Dagiti agpannuray ken ni Jehova pabaruendanto ti pigsada. . . . Agtaraydanto, ket dida mabannog; magnadanto, ket dida agkapuy.” (Isa. 40:29-31) Naan-anay a nagpannuray ni Pablo ken Jehova maipaay iti bileg, ket kastatay met koma.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share