No Ania ti Ibagayo Maipapan Kadagiti Magasin

Ti Pagwanawanan Mayo 15

“Panagkunayo mabalin ngata a maam-ammotayo ti Dios? [Palubosanyo a sumungbat.] Sigurado nga umanamongkayo a narigat ti mamati iti maysa a bassit laeng ti ammotayo maipapan kenkuana. Kinapudnona, idagadag kadatayo ti Biblia a sapulentayo ti Dios. [Basaenyo ti Aramid 17:27.] Ilawlawag daytoy nga artikulo no kasano nga ad-adda a maam-ammotayo ti Dios.”

Agriingkayo! Mayo 22

“Pinadasen dagiti lider ti lubong ti nadumaduma a kapanunotan iti panagreggetda a mangrisut kadagiti parikuttayo. Adda maysa a baro a pamuspusanda a maawagan iti globalisasion. Mabasayo iti daytoy a magasin no kasano a daytoy baro a panagregget ket mabalin nga ap-apektarannan ti biagyo. Mabasayo met ti maipapan iti sangalubongan a solusion a naipadto iti Biblia.” Kalpasanna, basaenyo ti Mateo 6:9, 10.

Ti Pagwanawanan Hunio 1

“Gapu kadagiti nabiit pay a pasamak, adu ti masmasdaaw no apay a matay a di mapakpakadaan dagiti inosente a biktima. Pinampanunotyo kadin no apay a matay dagiti tattao? [Palubosanyo a sumungbat, ket kalpasanna, ipakitayo ti tsart iti panid 7.] Kayatyo kadi a maammuan no ania ti kuna ti Biblia maipapan iti maysa kadagitoy a gagangay a kapanunotan?” No mabalin, basaenyo ti naisitar a kasuratan.

Agriingkayo! Hunio 8

“Patien ti adu a tattao nga agsupiat ti relihion ken ti siensia. Pagarupen pay ti dadduma nga imposible a mamati iti Dios ti maysa a tao a nasientipikuan ti panagpampanunotna. Ania ti makunayo maipapan iti daytoy? [Palubosanyo a sumungbat.] Ilawlawag a naimbag ti Agriingkayo! ti maipapan iti dayta a banag.”