No Ania ti Ibaga No Itukon Dagiti Magasin

Ti Pagwanawanan Hunio 1

“Adu ti mamati a dagiti relihion ditoy lubong ket nagduduma laeng a dalan nga agturong iti Dios. Ania ti makunayo iti daytoy? [Palubosanyo a sumungbat.] Imutektekanyo no ania ti kuna ti Biblia. [Basaenyo ti Josue 24:15.] Mangipaay daytoy nga artikulo kadagiti makagutugot a rason tapno sukimatentayo a mismo no ti relihiontayo ket iyadaninatayo iti pudpudno a Dios.” Itampokyo ti artikulo a mangrugi iti panid 12.

Agriingkayo! Hunio

“Tunggal maysa kadatayo ket addaan iti am-ammo a natayen. Iti panagkunayo, nasken kadi a mabutengtayo iti dadduma kadakuada ta mabalin a kagura wenno kayatdatayo a dangran? [Palubosanyo a sumungbat sa basaenyo ti Eclesiastes 9:5, 6.] Makaliwliwa daytoy nga artikulo.” Itampokyo ti artikulo a mangrugi iti panid 22.

Ti Pagwanawanan Hulio 1

“Adu a tattao ti addaan iti Biblia ngem marigatanda a mangtarus iti dayta. Nariknayo kadi met ti kasta? [Palubosanyo a sumungbat.] Sigun iti daytoy a teksto, ti Autor ti Biblia kayatna a matarusan ken magunggonaantayo iti naisurat a Saona. [Basaenyo ti Salmo 119:130.] Mangted daytoy a magasin iti tallo a singasing a tumulong kadatayo a mangtarus iti Biblia.”

Agriingkayo! Hulio

“Adu a tattao ita ti agsagsagaba iti depresion. Iti panagkunayo, maseknan ngata ti Dios kadagidiay addaan iti sakit iti emosion? [Palubosanyo a sumungbat sa basaenyo ti Salmo 34:18.] Ilawlawag daytoy a magasin no kasano a tulongan ti Dios dagidiay agsagsagaba iti depresion, uray no agkasapulanda met iti tulong ti doktor. Mangipaay pay daytoy kadagiti singasing no ania dagiti mabalintayo nga ibaga tapno maliwliwatay ida.”