No Ania ti Ibaga No Itukon Dagiti Magasin
Ti Pagwanawanan Abril 1
“Sigun iti dadduma a babasaen, saan a natay ni Jesus kas iti nairekord iti Biblia no di ket nangasawa ken naaddaan kadagiti annak. Nadamdamagyo kadin dayta? [Palubosanyo a sumungbat.] Napateg nga ammuenyo no ania ti kinapudno. [Basaenyo ti Juan 17:3.] Daytoy nga artikulo ilawlawagna no apay a makapagtalektayo iti kuna ti Biblia maipapan ken Jesus.” Itampokyo ti artikulo a mangrugi iti panid 26.
Agriingkayo! Abril
Basaenyo ti Salmo 37:9-11 sa iyimtuodyo: “Anianto ngata ti kasasaad ti lubong inton matungpal dagitoy? [Palubosanyo a sumungbat.] Daytoy nga artikulo ket nainaig iti daytoy a makapabileg a padto ken ilawlawagna no apay a kasta la unay ti kinadakes iti lubong ita?” Itampokyo ti artikulo a mangrugi iti panid 20.
Ti Pagwanawanan Mayo 1
“Pinampanunotyo kadin no apay nga ipalpalubos ti Dios ti panagsagaba? [Palubosanyo a sumungbat.] Imutektekanyo no kasano nga insaludsod ti maysa a mannurat iti Biblia ti kas iti salsaludsoden dagiti tattao. [Basaenyo ti Salmo 10:1.] Ilawlawag daytoy a magasin no ania ti kuna ti Biblia no apay nga impalubos ti Dios ti panagsagaba ken no kasanona a pasardengen dayta.”
Agriingkayo! Mayo
“Adu ti mangikagkagumaan a sumardeng nga agsigarilio ngem marigatanda a mangaramid iti kasta. Adda kadi am-ammoyo a kayatnan nga isardeng ti agsigarilio? [Palubosanyo a sumungbat.] Napaneknekan ti dadduma a nasayaat ti panagpatulong kadagiti gagayyem ken pamilia. [Basaenyo ti Eclesiastes 4:12a.] Daytoy a magasin ibinsabinsana dagiti sumagmamano a singasing a makatulong tapno maisardeng ti maysa a tao ti agsigarilio.”