No Ania ti Ibaga No Itukon Dagiti Magasin

Ti Pagwanawanan Hunio 1

“Adu a tattao ti mangkita nga umuna iti horoscope-da sakbay nga agdesisionda. Iti panagkunayo, adda kadi maaramidan dagiti bituen iti biagtayo? [Palubosanyo a sumungbat.] Makapainteres ta nadakamat iti Biblia ti konstelasion ti zodiak. [Basaenyo ti 2 Ar-ari 23:5.] Ilawlawag daytoy nga artikulo no ania ti kuna ti Biblia maipapan iti daytoy.” Itampok ti artikulo a mangrugi iti panid 18.

Agriingkayo! Hunio

“Kadawyan nga agsingir dagiti simbaan no mangbuniag, mangkasar, ken mamumponda. Iti panagkunayo, umiso ngata dayta? [Palubosanyo a sumungbat.] Imutektekanyo daytoy a bilin nga inted ni Jesus kadagiti adalanna. [Basaenyo ti Mateo 10:7, 8b.] Ipakita daytoy nga artikulo no ania ti kuna ti Biblia maipapan iti panagsingir kadagiti narelihiosuan a serbisio.” Itampok ti artikulo a mangrugi iti panid 22.

Ti Pagwanawanan Hulio 1

“Adu ti mangibagbaga a Dios lattan ti awag iti Mannakabalin-amin. Ngem ammoyo kadi nga ibaga kadatayo ti Biblia no ania ti nagan ti Dios? [Palubosanyo a sumungbat sa basaenyo ti Isaias 42:8a.] Ilawlawag daytoy a magasin no apay a naikkat ti nagan ti Dios iti dadduma a patarus ti Biblia ken no ania ti kaipapanan ti panangammotayo iti nagan ti Dios.”

Agriingkayo! Hulio

“Makapaleddaang ti kasasaad ti ekonomiatayo. Masiksikoran dagidiay awan ti trabahona, ken madandanagan met dagidiay agtartrabaho amangan no maikkatda iti trabahoda. Iti panagkunayo, makatulong ngata daytoy a nasayaat a balakad? [Basaenyo ti Mateo 6:34 sa palubosanyo a sumungbat.] Mangipaay daytoy a magasin kadagiti praktikal a singasing no kasano ti agbadyet ken no kasanotayo a kontrolen ti emosiontayo.”