No Kasapulanyo Unay ti Literatura a Ganggannaet ti Lenguahena

No dadduma, adda dagiti makasaritatayo a tattao a kaykayatda a basaen dagiti literaturatayo iti ganggannaet a lenguahe nga awan iti suplay ti kongregasiontayo. Ammoyo kadi a no adda Internet ken printer-yo ket mabalinyon ti mangyimprenta iti literatura iti agarup 400 a lenguahe? Kastoy ti aramidenyo:

• Luktanyo ti www.watchtower.org, nga opisial a Web site-tayo.

• Iti makannawan a paset ti home page, makitayo ti listaan ti sumagmamano a lenguahe. I-click-yo ti globo tapno makitayo ti kompleto a listaan dagiti lenguahe.

• I-click-yo ti kayatyo a lenguahe. Agparangton dagiti literatura a mabalinyo nga iyimprenta kas iti tract, broshur, ken dagiti artikulo. Yantangay daytoy a page ket naisurat iti lenguahe a piniliyo, saankayo a madanagan no saanyo a maawatan dagiti paulona.

• I-click-yo ti aniaman a kayatyo. Agparang ti material iti iskrin ket mabalinyon nga iyimprenta babaen ti panangi-click-yo iti “print” iti browser-yo.

Sumagmamano laeng a publikasion ti naikabil iti Web site-tayo; mabalin a magun-odan dagiti kanayonan a publikasion babaen ti kongregasion. No adda masarakanyo a pudpudno nga interesado, nasayaat no agkiddawkayo iti literatura manipud iti kongregasionyo.