No Ania ti Ibaga No Itukon Dagiti Magasin

Ti Pagwanawanan Nobiembre 1

“Iti panagkunayo, interesado kadi dagiti anghel iti ar-aramidentayo? [Palubosanyo a sumungbat.] Makapainteres daytoy a kinuna ti Biblia. [Basaenyo ti Lucas 15:10.] Ilawlawag daytoy nga artikulo no ania ti kuna ni Jesus maipapan iti maaramidan kadatayo dagiti espiritu a parsua.” Itampokyo ti artikulo a mangrugi iti panid 16.

Agriingkayo! Nobiembre

Basaenyo ti 2 Timoteo 3:16 sa kunaenyo: “Umanamong ken mamatikayo kadi a mapagtalkan amin a nailanad iti Biblia? [Palubosanyo a sumungbat.] Ilawlawag daytoy nga artikulo no ti arkeolohia ken sekular a historia ket maitunos iti kuna ti Biblia maipapan iti nagkauna nga Egipto.” Itampokyo ti artikulo a mangrugi iti panid 15.

Ti Pagwanawanan Disiembre 1

“Adu a tattao ti mamati nga adda dagiti intelehente a parsua iti lubong dagiti espiritu a mangim-impluensia iti biagtayo. Ania ti makunayo? [Palubosanyo a sumungbat sa basaenyo ti Apocalipsis 12:7-9.] Ipakita daytoy a magasin no ania ti kuna ti Biblia maipapan kadagiti espiritu, no kasano nga apektarandatayo, ken no mabalintayo a kasarita ida.”

Agriingkayo! Disiembre

“Napampanunotyo kadin no apay a maselselebraran ti Krismas iti Disiembre 25 idinto ta saan a nadakamat iti Biblia no kaano a nayanak ni Jesus? [Palubosanyo a sumungbat.] Sigun iti daytoy a teksto, posible a saan a nayanak ni Jesus kabayatan ti panawen ti lam-ek. [Basaen ti Lucas 2:8.] Ipalgak daytoy a magasin ti namunganayan ti dadduma a nalatak a kaugalian iti Krismas.”