No Ania ti Ibaga No Itukon Dagiti Magasin

Ti Pagwanawanan Pebrero 1

“Adda relihion ti kaaduan kadatayo. Iti panagkunayo, napateg kadi iti Dios no kasano ti panagdaydayawtayo kenkuana? [Palubosanyo a sumungbat sa basaenyo ti Mateo 15:9.] Ilawlawag daytoy nga artikulo ti uppat nga aspeto ti pudno a panagdaydayaw nga inyulidan ni Jesus.” Itampok ti artikulo a mangrugi iti panid 16.

Agriingkayo! Pebrero

“Mamati dagiti dadduma nga adda Namarsua idinto ta adda met dagidiay agkuna a ti kasta a pammati ket saan nga anamongan ti siensia ken saan a nainkalintegan. Dakayo, ania ti makunayo? [Palubosanyo a sumungbat.] Sigun iti Biblia, ti pudno a pammati ket naibatay iti ebidensia. [Basaenyo ti Hebreo 11:1.] Ilawlawag daytoy nga artikulo ti dadduma kadagiti ebidensia nga adda Namarsua.” Itampok ti artikulo a mangrugi it panid 22.

Ti Pagwanawanan Marso 1

“Iti panagkunayo, ti kadi Biblia ket Sao ti Dios, wenno maysa laeng daytoy a nasayaat a libro? [Palubosanyo a sumungbat.] Imutektekanyo no ania ti kuna ti Biblia a mismo. [Basaenyo ti 2 Timoteo 3:16, 17.] Ilawlawag daytoy a magasin no kasanotayo a makaaramid iti nasayaat a pangngeddeng mainaig iti daytoy a banag ken no apay a napateg dayta.”

Agriingkayo! Marso

“Kas iti kaaduan a tattao, mabalin nga ap-apresiarenyo met ti kinapintas ti nakaparsuaan. Umanamongkayo kadi a ti nakaparsuaan ipakitana met nga adda masirib a diseniador? [Palubosanyo a sumungbat sa basaenyo ti Salmo 104:24.] Dakamaten daytoy a magasin dagiti makapainteres a pagarigan ti disenio a makitatayo iti nakaparsuaan ken ilawlawagna no ania ti masursurotayo kadagitoy.”