Usarenyo Imbes nga Ipempenyo

Adu a kongregasion ti naurnongan kadagiti daan a publikasion. Apay a saankayo a mangala kadagiti kopiayo para iti personal a teokratiko a librariayo? Mabalin nga addaankayo iti Watchtower Library isu a mabalinyo latta a luktan dagiti linaon ti dadduma kadagitoy a daan a publikasion. Nupay kasta, adda met dagiti pagsayaatanna no addaankayo iti aktual a kopia dagiti publikasion. Adda kadi iyad-adalanyo a narang-ay iti naespirituan? No kasta, paregtaenyo a mangala ken agurnong kadagitoy a daan a publikasion para iti personal a librariana. Masapul a siguraduen ti manangaywan iti Teokratiko nga Eskuelaan ti Panagministro a ti libraria iti Kingdom Hall ket naglaon iti aniaman kadagiti daan a publikasion a naurnong iti kongregasion. Napateg pay laeng dagitoy a publikasion. Nasaysayaat nga usarentayo dagitoy imbes a bay-antayo lattan a nakapempen iti pagalaan ti literatura iti kongregasion!