Pagtuladan a Presentasion

Panangirugi iti Panagadal iti Biblia iti Umuna a Sabado iti Agosto

“Nagduduma ti relihion dagiti tattao ken nagduduma ti pamay-an a panagdaydayawda iti Dios. Iti panagkunayo, ania ngata ti panagrikna ti Dios iti dayta? [Palubosanyo a sumungbat.] Imutektekanyo no ania ti insuro ni Jesus maipapan iti daytoy.” Ikkanyo ti bumalay iti kopia ti Agosto 1 a Pagwanawanan ken usigenyo ti material iti umuna a subtitulo iti panid 16 ken ti uray maysa laeng kadagiti naisitar a teksto. Itukonyo dagiti magasin sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Agosto 1

“Kaano ti kasayaatan a panangisuro kadagiti annak iti maipapan iti Dios? Bayat nga ubbingda pay, wenno urayentayo a tumaenganda sa makaammodanton a mangpili iti relihionda? [Palubosanyo a sumungbat.] Imutektekanyo no ania ti kuna ti Biblia nga aramiden dagiti amma. [Basaenyo ti Efeso 6:4.] Mangted daytoy a magasin iti sumagmamano a singasing no kasano a maisuro dagiti nagannak ti maipapan iti Dios kadagiti annakda.”

Agriingkayo! Agosto

“Kayatko a maammuan no ania ti makunayo iti daytoy a teksto. [Basaenyo ti 1 Samuel 16:23.] Sigun iti daytoy, adda napigsa nga impluensia ti musika. Iti panagkunayo, posible ngata nga adda dakes nga epekto ti dadduma a musika? [Palubosanyo a sumungbat.] Ilawlawag daytoy a magasin no kasanotayo a makapili a naimbag kadagiti musika ken no kasanotayo a matulongan dagiti annaktayo a mangaramid met iti kasta.”