Panangirugi iti Panagadal iti Biblia iti Umuna a Sabado iti Setiembre

“Inaldaw nga agkarkararag dagiti tattao a nagduduma ti puli ken pammatida. Iti panagkunayo, denggen ken sungbatan kadi ti Dios ti amin a kararag?” Palubosanyo a sumungbat. Kalpasanna, ipaimayo ti Setiembre 1 a Pagwanawanan sa pagsaritaanyo ti material iti umuna a subtitulo iti panid 16 ken ti maysa kadagiti naisitar a teksto. Itukonyo dagiti magasin sa ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Setiembre 1

Ipakitayo ti akkub ti magasin sa kunaenyo: “Ania ti sungbatyo iti daytoy a saludsod? [Palubosanyo a sumungbat.] Imutektekanyo ti kuna ti Biblia. [Basaen ti 1 Juan 5:19.] Sigun iti daytoy, “daydiay nadangkes,” wenno ti Diablo, ti agturturay iti lubong. Ngem mangpataud dayta iti sumagmamano a saludsod. Nagtaudan ti Diablo? Isu kadi ket pudpudno a persona? Kasano kabayag nga ipalubos ti Dios ti panagturayna? Ipakita daytoy a magasin no ania ti kuna ti Biblia.”

Agriingkayo! Setiembre

“Adu a tattao ita ti mais-stress gapu iti kuarta. Iti panagkunayo, apay a nagrigat nga iyan-anay ti mateggedantayo? [Palubosanyo a sumungbat.] Naglaon ti Biblia kadagiti nainsiriban a sasao a nakatulong iti adu a mangibadyet iti kuartada. [Basaenyo ti maysa kadagiti teksto a masarakan iti panid 8-9.] Mangted daytoy a magasin kadagiti praktikal a singasing para kadagidiay adu ti baybayadanda nga utang.”