Maysa a Pamay-an ti Panangusar iti Broshur a Mensahe ti Biblia

Adu a tattao iti teritoriatayo, nangnangruna dagiti kameng ti saan a Kristiano a relihion, ti saan a makaammo iti linaon iti Biblia. Adda dagiti agibumbunannag a no iyadalanda dagiti kasta a tattao babaen ti libro nga Isursuro ti Biblia, usarenda met ti broshur a Mensahe ti Biblia a tumulong iti estudiante a mangammo iti kangrunaan a linaon ti Biblia. Kas pagarigan, ti maysa a kabsat a lalaki iyadalna nga umuna iti estudiantena ti seksion 1 ti broshur sakbay nga adalenda ti kapitulo 3 iti libro nga Isursuro ti Biblia. Kadagiti sumarsarunon a panagadalda, mangusigda manen iti sabali a seksion iti ngudo ti tunggal panagadalda. Adda kadi iyad-adalanyo a bassit wenno awan pay ketdi ti ammona maipapan iti Biblia? Tapno matulonganyo a mangammo iti ‘nasantuan a sursurat, a makabael a mamagsirib kenkuana maipaay iti pannakaisalakan,’ mabalinyo nga iraman nga iyadal ti broshur a Mensahe ti Biblia iti panangyadalyo iti libro nga Isursuro ti Biblia.—2 Tim. 3:15.