Panangkultibar ti Interes iti Damag ti Pagarian
1 Mangala man wenno saan ti maysa a tao iti literatura ti Biblia, nasken a sarungkaran iti mabiit tapno kultibaren ti aniaman nga interes.
2 Repasuenyo daydiay nota a siaannad nga inaramidyo kalpasan iti umuna a sarungkaryo. Kalpasanna siguruenyo ti mangitugot iti kopia ti literatura a naipaimayo tapno pagreperensiaan bayat iti panagsarungkaryo.
No “Adtoy!” a broshur ti naipaimayo, mabalinyo a kunaen:
◼ “Iti daydi naudi a panagsaritatayo, impakitak iti abbong daytoy a broshur, ken binasatayo ti kasuratan a nangpatalged iti dayta, a babaen iti Pagarian, ipaay ti Dios iti pagtaengan ken panggedan iti tunggal maysa. Ngem inkari pay ti Dios a pagpatinggaenna iti sakit, ilalakay ken ibabaket, ken uray ipapatay. Narigatyo kadi a patien daytoy? [Palubosan ti bumalay a sumungbat.] Siputanyo ti punto iti parapo 4 daydiay broshur nga imbatik kadakayo.” Basaen ti parapo, ken usigen iti maysa wenno dua a kasuratan a nailista idiay baba ti panid. Maysa a panagadal ti Biblia iti mairugrugin!
3 Tapno maisagana iti dana ti masanguanan a sarungkar, maingudo ti saritaan babaen ti panagkunayo:
◼ “Siempre, tunggal banag a napagsaritaan ket adda iti Biblia, ngem adu a tattao ti agsiddaaw no pudno a patienda iti kuna ti Biblia. Inton sumaruno nga umayak, kayatko nga alaen ti sumagmamano a minutos a mangusig iti dayta a suheto kadakayo.” Inton agsublikayo, irugiyo ti diskusion manipud iti subtema a “Ti Libro a Mangilawlawag iti Paraiso,” idiay parapo 5 ti broshur.
4 Kadagiti Teritoria a Bassit a Literatura ti Maipaima: Isu met laeng a panangiparang iti mausar no masarungkaran dagiti tattao a nangipakita ti interes ngem dida nangala iti literatura. Mabalinyo ti agreperensia iti broshur nga intukonyo idi napalabas a sarungkaryo. Nalabit a kasapulan iti maulit-ulit a sarungkar a mausar ti Biblia ken iti bukodyo a kopia ti broshur sakbay a ti bumalay ket awatenna iti broshur.
5 Ti nasayaat a panagsarungkar iti Gobierno a broshur ti mabalin a maisagana manipud iti material idiay pinanid 154-6 ti Panakirinnason a libro. Wenno mabalin a mairugi iti panagadal ti Biblia babaen iti panangisaludsod: “Ammoyo kadi a ti Biblia ket itandudona iti dua a namnama? Ti maysa isut’ panagbiag nga agnanayon ditoy rabaw iti daga. Daytoy a broshur ti mangilawlawag no kasano a posible daytoy.” Kalpasanna maiturong iti panid 15 ti broshur, ket basaen dagiti tallo a naisitar a kasuratan.
6 No nakapaimakayo iti literatura wenno naaddaankayo laeng iti makapainteres a diskusion ti Biblia iti siasinoman, addaankayo ti responsabilidad a mangkultibar iti interes. Paregtaendakayo amin a mangituding iti tiempo bayat ti Agosto a mangiranud iti makasalbar ti biag a trabaho.—1 Tim. 4:16.