Pagtuladan a Presentasion

Panangirugi iti Panagadal iti Biblia iti Umuna a Sabado iti Oktubre

“Iti daytoy a narigat a panawen, maipaspasangotayo amin kadagiti karit a mangpataud iti problema dagiti pamilia. Iti panagkunayo, pakasarakantayo iti mapagpannurayan a giya tapno agbalin a naragsak ti pamiliatayo?” Palubosanyo a sumungbat. Kalpasanna, ikkanyo iti kopia ti Oktubre 1 a Pagwanawanan sa usigenyo ti maysa kadagiti subtitulo iti panid 16 ken 17 ken ti uray maysa laeng kadagiti naisitar a teksto. Itukonyo dagiti magasin, ken ibagayo nga agsublikayto tapno pagsaritaanyo ti maysa kadagiti dadduma pay a saludsod.

Ti Pagwanawanan Oktubre 1

Ipakitayo ti akkub ti magasin sa isaludsodyo, “Ania ti mariknayo no maammuanyo a kinaulbod ti imbagada kadakayo maipapan iti Dios? [Palubosanyo a sumungbat.] Imutektekanyo ti kinuna ni Jesus no kasanotayo a mailasin no ania ti pudno ken saan. [Basaen ti Juan 17:17.] Ti laeng Biblia ti makaibaga kadatayo no ania ti pudno maipapan iti Dios. Ilawlawag daytoy a magasin ti lima a kinaulbod maipapan iti Dios nga ibutaktak ti Biblia.”

Agriingkayo! Oktubre

“Adda kayatmi nga iranud kadakayo nga impormasion a makatulong iti pamiliayo. Iti panagkunayo, ania ti karirigatan a karit a pakaipaspasanguan dagiti nagannak no iti panangpadakkelda kadagiti annakda? [Palubosanyo a sumungbat.] Adu a nagannak ti agpampannuray iti balakad ti Biblia. Kas pagarigan, makatulong dagitoy a nainsiriban a sasao no iti panangdisiplinayo kadagiti annakyo. [Basaenyo ti Efeso 4:31.] Ipakita daytoy a magasin no kasano a makatulong ti balakad ti Biblia kadagiti nagannak bayat ti panagdakkel dagiti annakda.”