Pagtuladan a Presentasion

Panangirugi iti Panangyadal iti Biblia iti Umuna a Sabado ti Oktubre

“Sumarsarungkarkami iti apagbiit ditoy lugaryo. Kinuna ti adu kadagiti nakasaritami a ti karirigatan a nakaipasanguanda ket ti ipapatay ti maysa nga ay-ayatenda iti biag. Kastakay met kadi? [Palubosanyo a sumungbat.] Sigurado a makaliwliwa daytoy kadakayo.” Ipakitayo ti likud ti Oktubre 1 a Pagwanawanan, ken usigenyo dagiti parapo iti baba ti umuna a saludsod ken ti uray maysa laeng kadagiti naisitar a teksto. Ipaimayo dagiti magasin, ken ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Oktubre 1

“Sumarsarungkarkami iti apagbiit tapno iparegtami ti panagbasa iti Biblia. Ammomi nga adda dagiti interesado iti Biblia ngem adda met dagiti saan. Dakayo ngay? [Palubosanyo a sumungbat.] Daytoy ti nalawag nga ibaga ti Biblia. [Basaen ti 1 Tesalonica 2:13.] Siguradoak nga umanamongkayo a no ti Biblia ket talaga a nagtaud iti Dios, rumbeng laeng ngarud a basaentayo daytoy. Mabasa iti daytoy a magasin ti ababa nga impormasion maipapan iti linaon ti Biblia ken no apay a masapul a paginteresantayo dayta.”

Agriingkayo! Oktubre

“Kayatko a maammuan ti opinionyo no posible kadi ti agbalin a kontento uray saantayo a nabaknang? [Palubosanyo a sumungbat.] Kitaenyo ti kuna ti Biblia. [Basaen ti 1 Timoteo 6:8.] Naglaon daytoy a magasin iti balanse a panangmatmat kadagiti material a banag ken ilawlawagna ti tallo a banag a saan a magatang ti kuarta.”