Pagtuladan a Presentasion

Panangirugi iti Panangyadal iti Biblia iti Umuna a Sabado ti Oktubre

“Bumisbisitakami iti apagbiit ta kayatmi ti makisarita maipapan iti nasayaat a gobierno. Panagkunayo, adda ngata gobierno a makaikkat kadagiti narigat a problema, kas iti kinaranggas ken kinaawan hustisia?” Palubosanyo a sumungbat. Ibagayo iti bumalay nga iti Kararag ti Apo, insuro ni Jesus kadagiti pasurotna nga ikararagda nga umay ti kasta a gobierno, ti Pagarian ti Dios. Ipakitayo ti likud ti Oktubre 1 a Pagwanawanan, ken pagsaritaanyo ti material iti babaen ti umuna a saludsod ken ti uray maysa laeng kadagiti naisitar a teksto. Itukonyo dagiti magasin ken ibagayo nga agsublikayto ta pagsaritaanyo ti sumaruno a saludsod.

Ti Pagwanawanan Oktubre 1

“Makisarsaritakami iti apagbiit maipapan iti pamiliar a kararag nga insuro ni Jesus kadagiti pasurotna. [Basaenyo ti Mateo 6:9, 10.] Ammoyo kadi no ania ti Pagarian ti Dios ken no apay nga impaganetget unay dayta ni Jesus iti pannursurona? [Palubosanyo a sumungbat.] Ipakita daytoy a magasin no ania ti kuna ti Biblia maipapan iti Pagarian ti Dios agraman ti sumagmamano kadagiti nakaskasdaaw a gunggona nga iyegna ditoy daga.”

Agriingkayo! Oktubre

“Sumarsarungkarkami iti apagbiit ta kayatmi a tulongan dagiti tattao a mangammo iti sungbat daytoy a saludsod. [Ipakitayo ti akkub ti magasin.] Panagkunayo, makuna kadi a naballigi ti maysa no nabaknang? [Palubosanyo a sumungbat.] Ipakita ti Biblia ti balanse a panangmatmat iti material a sanikua. [Basaenyo ti Lucas 12:15.] Sigun iti Biblia, posible nga agballigi ti siasinoman. Ilawlawag daytoy a magasin no kasano.”