Pagtuladan a Presentasion

Panangirugi iti Panangyadal iti Biblia iti Umuna a Sabado iti Nobiembre

“Iti panagkunayo, naragragsak kadi dagiti tattao nga agtultulnog iti Dios? [Palubosanyo a sumungbat.] Adda sumagmamano a makapainteres a punto iti daytoy nga artikulo.” Ipaimayo ti Nobiembre 1 a ruar Ti Pagwanawanan sa basaen ken pagsaritaanyo ti material iti babaen dagiti subtitulo iti panid 16-17. Mangibasakayo iti uray maysa laeng a teksto. Ipaimayo dagiti magasin sa ibagayo nga agsublikayto tapno pagsaritaanyo ti sungbat ti sumaruno a saludsod.

Ti Pagwanawanan Nobiembre 1

“Adda dagiti agkuna a nainget unay ken kadaananen ti kuna ti Biblia maipapan iti sekso. Adda met dagiti umanamong iti Biblia. Ania ti panagkunayo? [Palubosanyo a sumungbat.] Imutektekanyo ti kuna daytoy a teksto maipapan iti gubuayan dagiti pagalagadan iti Biblia. [Basaenyo ti 2 Timoteo 3:16.] Ipakita daytoy a magasin no kasano a sungbatan ti Biblia ti sangapulo a gagangay a saludsod maipapan iti sekso. Ilawlawagna pay no kasano a makagunggona kadatayo dagiti pagalagadan iti Biblia.”

Agriingkayo! Nobiembre

“No paliiwentayo a naimbag ti uniberso, ania ti makunayo—adda kadi nangparsua kadagiti amin a banag nga adda iti dayta wenno naiparna laeng a timmaud ti amin? [Palubosanyo a sumungbat.] Kastoy ti kinuna ti maysa kadagiti nangisurat iti Biblia idi pinaliiwna ti uniberso. [Basaenyo ti Roma 1:20.] Ipakita daytoy a magasin no ania dagiti natakuatan dagiti sientista maipapan iti selula ti tao a mangilawlawag iti daytoy a banag.”