Mangrugi Inton Marso 22 ti Kampania a Panagiwaras iti Imbitasion iti Memorial

Iti daytoy a tawen, ti kampania a mangawis kadagiti tattao a tumabuno iti Memorial ket mangrugi inton Sabado, Marso 22. Maparegta ti amin a makiraman a naan-anay iti daytoy. Kadagiti ngudo ti lawas, ipaimatayto met dagiti tukon a magasin iti dayta a bulan no maitutop. Iti umuna a Sabado iti Abril, ipamaysatayto ti agiwaras kadagiti imbitasion imbes a ti panangirugi iti panangyadal iti Biblia. Ngem no adda masarakantay nga interesado, mabalintayo nga irugi ti panangyadal iti Biblia. Mabalin a tingitingen ti manangaywan iti serbisio no ti panagiwaras iti imbitasion bayat ti panangasaba iti publiko ket makatulong iti kongregasion tapno ad-adu a tattao iti teritoria ti maikkan iti imbitasion. Ilistayo itan dagiti kabagian, katrabahuan, kaeskuelaan, sarsarungkaran, ken dadduma pay nga am-ammoyo a kayatyo nga awisen, ken ikkanyo ida iti imbitasion inton mangrugi ti kampania. Sapay koma ta adu ti makikadua kadatayo a manglaglagip iti dua a katan-okan nga ebkas ti ayat.—Juan 3:16; 15:13.