Pagtuladan a Presentasion

Panangirugi iti Panangyadal iti Biblia iti Umuna a Sabado iti Hunio

“Sumarsarungkarkami iti apagbiit ta kayatmi nga ilawlawag daytoy a makapainteres a saludsod.” [Ipakitayo ti umuna a saludsod iti likud ti Hunio 1 a Pagwanawanan.] Ania ti makunayo?” Palubosanyo a sumungbat. Usigenyo ti material iti babaen ti umuna a saludsod ken ti uray maysa laeng kadagiti naisitar a teksto. Itukonyo dagiti magasin ken ibagayo nga agsublikayto tapno pagsaritaanyo ti sumaruno a saludsod.

Ti Pagwanawanan Hunio 1

“Tinawen nga agarup 6,000,000 a tattao ti matmatay gapu iti panagsigarilio. Iti panagkunayo, adda kadi maaramidan tapno maliklikan daytoy nga epidemia? [Palubosanyo a sumungbat.] Adu ti natulongan a mangisardeng wenno mangliklik a naan-anay iti panagsigarilio babaen ti panangammoda iti panangmatmat ti Dios iti daytoy a banag. Kas pagarigan, daytoy a teksto iti Biblia ket nakatulong kadagiti dadduma a mangpanunot no ania ti epektona iti sabali a tao ti panagsigarilio. [Basaenyo ti 1 Corinto 10:24.] Ilawlawag daytoy a magasin no kasano a matignay ti maysa a tao a sumardeng nga agsigarilio no ammuenna ti panangmatmat ti Dios iti daytoy a banag.”

Agriingkayo! Hunio

“Gapu kadagiti social network, posiblen a maaddaan dagiti tattao iti ad-adu a makuna a gagayyem. Para kadakayo, ania ti kapatgan a kualidad ti maysa a pudno a gayyem? [Palubosanyo a sumungbat.] Daytoy ti maysa a pagarigan ti praktikal a balakad maipapan iti panaggayyem a nailanad iti Biblia. [Basaenyo ti Santiago 1:19.] Ilawlawag daytoy a magasin ti uppat a makatulong a prinsipio no kasanotayo nga agbalin a nasayaat a gayyem para kadagiti dadduma.”