Panangparang-ay iti Abilidadtayo iti Ministerio—Pannakilangen iti Nauyong a Bumalay

No Apay a Napateg: Nasasayaat ti adu a makasarsaritatayo iti ministerio. Nupay kasta, impadto ni Jesus nga adda dagiti manggura kadatayo. (Juan 17:14) Saantay ngarud a masdaaw no adda makasabaantayo a nauyong a bumalay. No mapasamak daytoy, kayattayo ti agtignay iti wagas a pakaay-ayuan ti ireprepresentartayo, a ni Jehova. (Roma 12:17-21; 1 Ped. 3:15) Iti kasta, saan a kumaro ti kasasaad. Makaipaay pay daytoy iti panangsaksi iti bumalay ken iti siasinoman a makakita, ket matignayda a dumngeg inton adda manen ti sumarungkar a Saksi ni Jehova.—2 Cor. 6:3.