Agpipinnaregta Maipaay iti Nasayaat nga Ar-aramid

Iparparegta kadatayo ti Hebreo 10:24 nga “agpipinnanunottayo koma iti maysa ken maysa tapno mangparegta iti ayat ken nasayaat nga ar-aramid.” Maparegtatay dagiti kakabsattayo babaen ti ulidan ken ti panangiparangarangtayo iti pammati. Iranudyo dagiti nasayaat a kapadasanyo iti kongregasion. Makitada koma ti rag-om nga agserserbi ken Jehova. Ngem saanmo koma nga ikomkompara ida iti bagim wenno iti sabsabali. (Gal. 6:4) Ikagumaam nga usaren dagiti paglaingam a mangparegta kadagiti sabsabali a mangipakita iti “ayat ken nasayaat nga ar-aramid,” saan a pannakakonsiensia ken nasayaat nga ar-aramid. (Kitaenyo ti libro nga Eskuelaan ti Panagministro, p. 158, par. 4.) No mangparegtatayo iti ayat, matignaytayo a mangipakita iti dayta iti aramid, kas iti panangaramid iti naimbag kadagiti sabsabali, iti man material wenno babaen ti panangasaba.—2 Cor. 1:24.