‘Iwaragawagyo ti Tawen ti Naimbag a Nakem ni Jehova’

‘Ti tawen ti naimbag a nakem ni Jehova’ ket saan a literal a tawen

61:1, 2

• Tiempo daytoy ti panangted ni Jehova iti gundaway kadagiti napakumbaba nga agtignay maitunos iti pannakaiwaragawag ti wayawaya

• Idi umuna a siglo, nangrugi ti tawen ti naimbag a nakem idi inrugi ni Jesus ti ministeriona idi 29 C.E. ket nagpaut dayta agingga iti “aldaw ti pammales” ni Jehova idi nadadael ti Jerusalem idi 70 C.E.

• Iti panawentayo, nangrugi ti tawen ti naimbag a nakem idi naitrono ni Jesus idiay langit idi 1914 ken agngudo inton dakkel a rigat

Bendisionan ni Jehova dagiti tattaona babaen iti panangipaayna iti “dadakkel a kaykayo ti kinalinteg”

61:3, 4

• Dagiti katayagan a kayo iti lubong ket gagangay a dumakkel nga agkakadua kadagiti kabakiran, ket suportaranda ti maysa ken maysa

• Mabalin nga agkikinnawikaw dagiti dadakkel a ramutda isu a tumibker dagiti kayo ken maanduranda dagiti bagyo

• Dagiti natayag a kayo ket agserbi a mangprotektar a linong kadagiti babassit a kayo ken dagiti bulong a maregreg ti mangpataba iti daga

Magunggonaan ti amin a miembro ti sangalubongan a kongregasion Kristiano iti suporta ken proteksion ti “dadakkel a kaykayo ti kinalinteg,” ti napulotan a natda