PANAGBIAG KAS KRISTIANO
Kitaem ti Bagim Kas iti Panangkita Kenka ni Jehova
“Maragsakan ni Jehova kadagiti tattaona.” (Sal 149:4) Uray no imperpektotayo, kitkitaenna dagiti nasayaat a kualidad ken potensialtayo. Ngem no dadduma, mabalin a marigatantayo a maaddaan iti kasta a balanse a panangmatmat iti bagitayo. Baka mariknatayo nga awan serserbitayo gapu iti panangtrato kadatayo ti dadduma. Wenno, no agpokustayo kadagiti napalabas a kamalitayo, mabalin nga agduaduatayo no ay-ayatennatayo met laeng ni Jehova. Ania ti makatulong kadatayo no kasta ti marikriknatayo?
Laglagipentayo a naiduma ti panangmatmat ni Jehova no ikompara iti panangmatmat ti tao. (1Sm 16:7) Kaipapanan dayta a makitana uray dagiti ditay makita iti bagitayo. Imbag laengen ta matulongannatayo ti Biblia a mangammo iti panangmatmat ni Jehova kadatayo. Matarusantayo dayta no basaentayo dagiti bersikulo ken salaysay iti Biblia a mangipakita nga ay-ayaten unay ni Jehova dagiti agdaydayaw kenkuana.
BUYAEN TI VIDEO A KOMBINSIREM TI PUSOM NGA AY-AYATENNAKA NI JEHOVA, SA SUNGBATAN DAGITOY:
Ania ti isuro kadatayo ti maysa a tumataray ken ti amana maipapan iti panangkita kadatayo ni Jehova?
No ti tao a nakaaramid iti nadagsen a basol inaramidnan dagiti kasapulan nga addang tapno maisubli ti relasionna ken Jehova, kasano a maipasiguradona iti pusona nga ay-ayaten isuna ti Dios?—1Jn 3:19, 20
Kasano a nagunggonaan ti brother iti panangbasa ken panangutobna iti salaysay maipapan kada David ken Jehosafat?