Kurakot a Politiko—Ti Aramidento ti Pagarian ti Dios

Kayat dagiti tattao ti agturay a mapagtalkanda. Naumadan kadagiti kurakot a politiko. Ipakita ti sangalubongan a surbey a naaramid iti 2023 nga adu a tattao ti mangibagbaga a ti kangrunaan a grupo a saanda a pagtalkan ket dagiti lider ti gobierno.a

Deskribiren ti Biblia ti maysa a gobierno a ti Liderna ket naan-anay a mapagtalkan, napudno, ken saan a kurakot. Dayta a gobierno ket ti Pagarian ti Dios ken ti Liderna ket ni Jesu-Kristo.—Isaias 9:7.

Pinaneknekan ni Jesus a talaga a maseknan kadagiti tattao. (Mateo 9:35, 36) Kas Ari ti Pagarian ti Dios, ipaaynanto ti hustisia ken talna kadagidiay agpaituray kenkuana.—Salmo 72:12-14.