HABOR

Maysa a siudad wenno distrito a nangidestieruan ti Asirio nga ari a ni Tiglat-pileser III iti nakaad-adu nga Israelita manipud iti sangapulo-tribu a pagarian. (1Cr 5:26) Dadduma nga eskolar kunaenda a daytoy a Habor isu ti Abhar, maysa nga ili a masarakan iti Karayan Qezel Owzan iti amianan a laud ti Iran agarup 210 km (130 mi) iti laud ti Tehran. Pabor ti dadduma a ti mabasa iti 2 Ar-ari 17:6 ken 18:11 ket “Habor, ti karayan ti Gozan” (AS, RS), ket kunaenda a ti Habor ket maysa a waig ti Eufrates, nga isu ti Karayan Khabur nga adda iti makin-abagatan a daya a paset ti Turkia ken makin-amianan a daya a paset ti Siria. Nupay kasta, maitunos iti 1 Cronicas 5:26, daytoy a sasao ket maipatarus koma pay ketdi a “Habor iti [wenno, iti igid ti] karayan Gozan.”​—NW, Yg; kitaenyo ti GOZAN.