ONO

Siudad a nabatad a binangon ti Benjamita a ni Semed, ‘anak’ ni Elpaal. (1Cr 8:1, 12) Kalpasan ti pannakaidestiero idiay Babilonia, ti Ono pinagnaedan manen dagiti Benjamita. (Esd 2:1, 33; Ne 7:6, 37; 11:31, 35) Maikunkuna a nagsaad idi dayta iti Kafr ʽAna (Ono), agarup 11 km (7 mi) iti daya nga abagatan-a-daya ti Joppe. Daytoy a lugar ket sumagmamano laeng a kilometro manipud kadagiti naisingasing nga ayan ti kadaanan a Lod ken Hadid. Ti “ginget a tanap ti Ono” (Ne 6:2) mabalin nga ipasimudaagna ti akaba a ginget nga ayan ti Kafr ʽAna. Daytoy a “ginget a tanap” ket naikuna nga isu met laeng idi ti “ginget dagiti nasigo a trabahador [geh ha·chara·shimʹ].” (Ne 11:35) Ngem sigun iti sumagmamano nga eskolar, ti Hebreo a geh ha·chara·shimʹ ket tumukoy iti sabali pay a lugar ket letra-por-letra nga ipatarusda dayta kas nagan a “Ge-harasim.”​—JP; idiligyo ti 1Cr 4:14.