Watchtower ONLINE A LIBRARIA
Watchtower
ONLINE A LIBRARIA
Iloko
  • BIBLIA
  • PUBLIKASION
  • GIMONG
  • it-2 “Ubbog”
  • Ubbog

Awan video-na ti napilim.

Pasensiakan, adda problema iti pannakai-load ti video.

  • Ubbog
  • Pannakatarus iti Kasuratan, Tomo 2
  • Umasping a Material
  • Panagpasiar Kadagiti Napudot nga Ubbog ti Japan
    Agriingkayo!—2004
  • Ubbog ti Dakkel nga Uleg
    Pannakatarus iti Kasuratan, Tomo 2
  • Bubon ni Jacob
    Pannakatarus iti Kasuratan, Tomo 1
  • Dagiti Saludsod Manipud Kadagiti Managbasa
    Ti Pagwanawanan Mangibumbunannag iti Pagarian ni Jehova—1986
Kitaen ti Ad-adu Pay
Pannakatarus iti Kasuratan, Tomo 2
it-2 “Ubbog”

UBBOG

Iti pangkaaduan, maysa a nainkasigudan a gubuayan ti danum (Ex 15:27), maigidiat kadagiti bubon ken pagurnongan ti danum a gagangay a nakali (Ge 26:15); maar-aramat met mainaig iti gubuayan ti maysa a banag malaksid iti danum. Ti dua a Hebreo a termino maipaay iti “ubbog” ket ʽaʹyin (iti literal, mata) ken ti nainaig a maʽ·yanʹ. Ti katupag a Griego a termino ket pe·geʹ. Yantangay masansan a nawadaan ken napauneg dagiti ubbog, mabalin a daytoy ti mangilawlawag no apay a ti “ubbog” ken “bubon” no dadduma mapagsinsinnukat a maar-aramat maipaay iti isu met laeng a gubuayan ti danum.​—Ge 16:7, 14; 24:11, 13; Jn 4:6, 12; kitaenyo ti BUBON; PAGURNONGAN TI DANUM.

Dineskribir ni Moises ti Naikari a Daga kadagiti Israelita kas maysa a daga “dagiti ubbog ken dagiti nadanum a yuyeng nga agayus iti ginget a tanap ken iti nakabambantay a rehion.” (De 8:7) Naruay dagiti ubbog idiay Palestina, nga adda promedio nga innem wenno pito iti agarup kada 100 km kuad (40 mi kuad). Agsipud ta dagiti bantay ti Juda ken Efraim kangrunaanna a buklen ti aragaag a bato, dagiti tudo iti kalam-ekna nalaka a sumagepsep iti kasta unay a kauneg. Kamaudiananna ti dandanum makadanonda iti lansad a di masarut ti danum, agayusda iti dayta, ket kalpasanna agparangda manen kas ubbog iti makinlaud a deppaar ti Ginget Jordan ken iti makinlaud nga igid ti Natay a Baybay, a ti sumagmamano agayusda pay iti uneg ti daga nga agturongda iti Natay a Baybay. Nabara ti temperatura ti adu kadagiti ubbog nga agtartarus nga agayus iti Natay a Baybay ken dagiti makimbaba a danum ti Jordan. Iti laud ti kabambantayan tumpuar dagiti danum kas ubbog iti igid ti makindaya a paset dagiti nawatiwat a patad a daga iti igid ti baybay, nupay ti sumagmamano iti danum dumalanda iti uneg ti daga nga agturong iti Mediteraneo. Ti dadduma nga ubbog, a kas kadagidiay nangpalikmut iti Jerusalem ken Hebron, agkubbuarda idiay wenno iti asideg ti mismo a tapaw dagiti kabambantayan ti Palestina. Ti nakaad-adu nga ubbog nga agtaud kadagiti marunaw a niebe iti Kabambantayan ti Libano ken iti Bantay Hermon ipaayda ti pamunganayan ti dandanum ti Litani, ti Jordan, ken dagiti karayan ti Damasco.

Ti kinapateg dagiti ubbog nagbalin a nalawag manipud kaadu ti nagnagan ti il-ili a mangrugi iti “En,” a kaipapananna ti “ubbog.” (Jos 15:62; 17:11; 1Ar 1:9; kitaenyo ti AIN.) Ti il-ili ken purpurok masansan a naibangonda iti asideg dagiti ubbog, ta ti kaaduan kadagiti “karayan” ti Palestina ket iti kinapudnona naapres a gingginget a maatianan iti bulbulan ti kalgaw. Kas pagdepensa, gagangay a naibangon dagiti siudad kadagiti nangato a disso, ket ngarud, masansan a dagiti ubbog addada iti ruar dagiti pader ti siudad iti ginget iti baba. Pinagbalin daytoy a nakapatpateg ti panangsalaknib iti abasto a danum. Naaramid dagiti kalasugan tapno ti danum maidanon manipud gubuayanna agingga iti mismo a siudad. Nangaramid ni Ari Ezekias iti kasta a kalasugan tapno ti dandanum ti Gihon maiyeg iti Siudad ni David. (2Ar 20:20; 2Cr 32:30) Iti dadduma a gundaway, dagiti nakalemmeng a pagdalanan wenno usok tumurongda iti gubuayan ti danum, a nangipasigurado iti nawadwad nga abasto a danum maipaay kadagiti agnanaed iti siudad uray pay iti sango ti pannakalakub. Idi napasamak ti iraraut ti Asiria iti Juda, pinasardeng ni Ezekias dagiti ubbog iti ruar ti Jerusalem tapno dagiti manangraut maawananda iti abasto a danum.​—2Cr 32:2-4; kitaenyo ti EZEKIAS Num. 1 (Gapuananna iti Panagibangon ken Inhenieria); SARIKEDKED.

Piguratibo nga Usar. Impasdek ni Jehova “dagiti ubbog ti nadanum a yuyeng.” (Pr 8:28; Ge 7:11) Isu nayam-ammo met kas ti Ubbog ti biag, ti Ubbog ti sibibiag a danum, ken ti Ubbog ti Israel. (Sal 36:9; Jer 2:13; Sal 68:26) Ti Anakna a ni Jesu-Kristo mangted iti danum nga iti umawat agbalin dayta nga “ubbog ti danum nga agburburayok a mangipaay iti agnanayon a biag.” (Jn 4:14) Naimpadtuan nga impakauna ni Joel a kalpasan a mapasaran dagiti nasion ti kasla pagpespesan iti ubas a pannakatrato idiay Nababa a Tanap ni Jehosafat, rummuarto ti maysa a makapabang-ar nga ubbog manipud iti balay ni Jehova.​—Joe 3:12, 13, 18.

Iti panangipaganetgetna iti kinapateg ti siuumiso a panangaramat iti dila, imtuoden ni Santiago kadagiti Kristiano, isuda a rumbeng a mangitukon iti danum ti biag: “Ti maysa nga ubbog ipussuakna kadi ti nasam-it ken ti napait manipud iti isu met laeng nga abut?”​—San 3:11.

Pinaabbatan ni Jesus ti ‘ubbog ti dara’ ti maysa a babai nga agpaspasar iti panagbulos ti dara iti 12 a tawen, nga isu pinaimbagna. (Mr 5:25-29) Ti ‘ubbog ti danum’ ket maysa nga ebkas a maar-aramat met mainaig iti gubuayan ti seksual a pannakapnek.​—Pr 5:18.

    Dagiti Publikasion iti Iloko (1984-2025)
    Ag-log out
    Ag-log in
    • Iloko
    • I-share
    • Ti Kayatmo a Setting
    • Copyright © 2025 Watch Tower Bible and Tract Society of Pennsylvania
    • Pagannurotan iti Panagusar
    • Pagannurotan iti Kinapribado
    • Privacy Settings
    • JW.ORG
    • Ag-log in
    I-share