MALABANAM TI STRESS
Posible ti Biag nga Awanan iti Stress
Tapno maliklikantayo ti di kasapulan nga stress, makatulong ti sirib nga adda iti Biblia. Ditay maikkat ti amin a mangis-stress kadatayo ngem kabaelan ti Namarsua kadatayo. Adda pay ketdi ti inapointaranna a tumulong kadatayo—ni Jesu-Kristo. Idi adda ditoy daga, adu ti nakaskasdaaw nga inaramidna. Ngem din agbayag, ad-adda pay a nakaskasdaaw dagiti aramidenna iti intero a lubong. Kas pagarigan:
PAIMBAGEN NI JESUS DAGITI MASAKIT, KAS ITI INARAMIDNA IDI.
“Inyegda kenkuana ti amin a marigrigatan iti nadumaduma a sakit . . . , ket pinaimbagna ida.” —MATEO 4:24.
MANGIPAAY NI JESUS ITI BALAY KEN MAKAN PARA ITI AMIN.
Dagiti iturayan ni Jesus “mangbangondanto kadagiti balay ket agnaedda kadagita, ken agmuladanto kadagiti ubas ket kanenda ti bungada. Didanto mangbangon ket sabali ti agnaed, didanto agmula ket sabali ti mangan.”—ISAIAS 65:21, 22.
NATALNA KEN NATALGED TI INTERO A LUBONG ITI PANAGTURAY NI JESUS.
“Bayat ti panagturayna, umadunto dagiti nalinteg, ken agsaknapto ti talna kas iti bulan nga awan inggana ti kaaddana. Addanto dagiti masakupanna manipud iti baybay agingga iti baybay ken manipud iti Karayan agingga kadagiti pungto ti daga. . . . Maparmeknanto dagiti kabusorna.”—SALMO 72:7-9.
IKKATEN NI JESUS TI KINAAWAN HUSTISIA.
“Maasianto kadagiti marigrigat ken napanglaw, ket ispalennanto ti biag dagiti napanglaw. Isalakannanto ida iti pannakairurumen ken iti kinaranggas.”—SALMO 72:13, 14.
IKKATEN NI JESUS URAY TI RIGAT KEN IPAPATAY.
“Awanton ni patay. Awanto metten ti panagladingit wenno panagsangit wenno ut-ot.”—APOCALIPSIS 21:4.