Saludsod

● Kasano a maiparangarang iti Kristiano nga urbanidad no tumabunotayo iti Panagadal ti Libro iti Kongregasion?

Masansan a paliiwendatayo dagiti kaaruba, ket no dadduma agkomentoda maipapan iti konduktatayo. (Maidilig iti 1 Corinto 4:9.) Kas ad-adipen ni Jehova, kayattayo a dagiti komentoda ket pagimbagan. (1 Ped. 2:12) Pudno daytoy idiay Pagadalan ti Libro iti Kongregasion. Idinto ta kaaduan kadagitoy ti maaramid kadagiti pribada a pagtaengan, masapul koma a maalagad iti espesial a panagannad iti isilnag ti urbanidadtayo iti aniaman nga aramidentayo. No limitado iti paglugaran, ikagumaan a saan a ruroden dagiti kaaruba babaen ti saan a panangipuesto iti lugantayo idiay lugar a makasinga kadagiti kaaruba.

Maragsakantayo no agtataripnongtayo ken masansan nga agresulta daytoy iti narambak a saritaan. (Mik. 2:12) Ngem idiktar ti naimbag nga urbanidad ken konsiderasion iti sabsabali no timbengen iti kapigsa ti saritaan idiay kalalainganna. (Mat. 7:12; Gal. 6:10) Ti Kristiano nga ayat ket tignayennatayo met a mangatipa kadagiti annak nga agtaray a sumrek ken rummuar ken mangdadael iti sanikua dagiti dadduma a tattao. (Prov. 29:15; 1 Cor. 13:4, 5) Ramanenna daytoy iti naraem a kondukta iti balay a pakaaramidan iti panagadal ti libro. No adda di umiso a kababalin a maimatangan, dagiti panglakayen ti mangted koma iti naayat ken natibker a pammagbaga tapno maliklikan dagiti problema a resulta iti panagreklamo dagiti kaaruba wenno parikut iti bumalay a naglugaran iti panagadal ti libro.