Kanta 92
Mangasaba a Situtured
1. Pumigsakay nga ad-adipen,
Ta Diablot’ mangted iti tuben.
Saot’ Dios mangted iti tured,
Kasta met no damag intay ited.
Ti Saot’ Dios mangted ti bileg,
Nga agsungdo, agtalinaed.
Kasla kadagidi apostol,
Agtibkertay, agragsak, agibtur.
2. Namatitay a sipapasnek
A ti Saot’ Dios ket natalged,
Ditay pagbutngan ti tattao,
Napinget uray no bassittayo.
Trabahotay ti asikasuen
Mensahet’ Dios ti intay itden.
’Warnaktay inggat’ panungpalan,
Ket ni Jehovat’ pakigayyeman.
3. Nakapuy tulongantay ida,
Ket sibibileg ng’agsaoda.
Di met baybay-an ti ub-ubbing;
Tapnon inda mapaksiat ti buteng.
Liwliwaen ti agsennaay;
Ket iti Dios ind’agpannuray.
Sapasapton pagturayanna,
Sangatauan dayawnat’ ikanta.