Kanta 215
Panangipaay iti Asi kadagiti Sabali
1. Idi nga inkeddeng ni Jehova
A nadangkes inna ipusay,
Ni Noet’ binilinna: ‘Nga’garamid
Ti daong ken mangasaba pay!’
Ni Noe di ngata aya nagtulnog
Ta’wan pay ’dit’ kapadasanna?
Saan, ta inusarnat’ asit’ Dios,
Nagaramid ken nangasaba.
2. Ita agngudon urnos a daan,
Gaput’ asit’ Dios inkeddengna
A maibunannag daytoy a damag,
Tapnon mayat mangipangagda.
Kinunam, ‘Mangasaba, diak ammo;
Panagsaritat’ pagkapuyak’?
No espiritut’ Dios adda kenka,
Kabaelam ti agiwarnak.
3. Pinagkaysat’ Dios asi ken pudno,
Ket naragsaken ti ilitay.
Anian nga imnaston ’diay Pagarian
Nga imat’ Diostay mangipaay!
Iparangtay ngaruden ti asi
Amin intayto bagbagaan:
‘Agtignay! Inkay agdedikaren;
Ti Pagarian ti Dios pagserbian.’