Kanta 53

Irarang-ay ti Teokrasia

(Isaias 9:6, 7)

1. Pagrag-oantay Teokrasia, rumangrang-ay!

Nakaskasdaaw panagsaknapna.

Dayaw ken Jehova dinto agsarday

Kadagidiay mangsurot silawna.

Idi bassit la ti inna nangrugian

Idi ditoy ti Mannubbot nagna.

Ngem itan umariwekwek umaydan

Addat’ kannawan Dios, dayawenda.

2. Ni Kristo nagturayen, manguk-ukom;

Nasnasion maur-urnong sangona.

Turay ti Dios isut’ mataginayon,

Inton parmekennat’ kabusorna.

Ama, Nakaskasdaaw, Mamagbaga,

Mannakabalin Prinsipet’ Kappia.

Regta ni Jehova, talnat’ maipaay

Ken mangted panagrang-ay turayna.

3. Anian ta biagtay ’tan naparaburan!

Di aya pagraguan irarang-ay?

Daytoy a ragsak intay ngad iraman,

Naimbag a damag ti iburay.

Mangumsi, situtured, pakdaaran;

’Ya’sideg Armagedon, ibagam.

Naynay nga’iwarnak damag ti Pagarian

Lalo kadagidiay malmaldaang.