Tulongan Dagiti Estudiante ti Biblia nga Agsagana iti Panagadalda
1 Dagiti estudiante ti Biblia nga agsagana iti panagadalda ti kada lawas isuda iti masansan a napartak ti progresoda ngem kadagidiay saan nga agsagana. No dadduma ti estudiante ket saan a nakasagana agsipud ta saanna nga ammo nga aramiden dayta. Nalabit a kasapulan a suruan no kasano iti panagsagana. Kasano a maaramid daytoy?
2 Manipud pay iti rugi, itiempo a masigurado ti estudiante a maawatanna a iti panagsagana ket ramanenna ti mismo a panagadal. Adu dagiti saan a nasuruan no kasano ti panagadal. Iti pinanid 34-44 ti libro a Giya ti Teokratiko nga Eskuelaan ti Panagministro nangted iti makatulong a singasing a mabalinyo a maipasa iti estudiante kas kasapulan.
3 Ipakita iti Estudiante ti Pateg iti Panagadal: Ipakita iti estudiante ti libroyo no kasano a naugedanyo dagiti panulbek a sasao. Ipakita kenkuana no kasano a markaan dagiti benneg a mangipalagip kenkuana kadagiti puntos a mabalinna nga iyebkas iti bukodna a sasao. Iti kasta saan a magargari a mangbasa a mismo manipud iti libro inton agsungbat. Ti umiso a panagsanay isut’ tumulong kenkuana nga agkomento a nasayaat iti kalpasanna kadagiti gimong. Ti komentona iti mangisarming ti panangipategna iti material ken pagminarenna ti kauneg iti pannakaawatna.
4 Suruan a Mangusar ti Biblia: Kasapulan ti estudiante a maadal no kasano iti panangsarak kadagiti kasuratan idiay maadal a material. No maaramidna a silalaka, lalo a maipategna nga isu ket pudno nga estudiante ti Biblia. Nupay kasapulanna nga umuna ti panangusar iti listaan dagiti libro ti Biblia idiay rugina, maparegta iti estudiante a mangadal ti panagsasaruno dagiti 66 a libro iti Biblia. No basaenna iti maysa a teksto ti kasuratan, tulongam a mangilasin iti paset a mangsuportar kadagiti punto a nadakamat iti parapo ken saan a masinga kadagiti paset a saan a direkta a naisinggalut ti panagadal.
5 Bayat nga agprogreso ti estudiante, paregtaen a mangbasa iti Biblia manipud rugi agingga ti ngudo. Maigunamgunam a ti intero a Biblia ket naipaltiing a Sao iti Dios ket dagiti pudno a Kristiano masapul a mataraonanda ti naespirituan babaen iti dayta.—Mat. 4:4; 2 Tim. 3:16, 17.
6 Maiyammo iti Dadduma a Teokratiko a Reperensia: No ti estudiante ket umdas iti panagrang-ayna, mabalin a rugiannan ti mangusar iti dadduma a teokratiko a reperensia. Paregtaen a kumita iti kanayonan a salaysay kadagiti publikasion ti Sosiedad a makabisadona bayat a tumabuno iti gimgimong ti kongregasion. Suruanyo no kasanona nga usaren dagiti espesial a benneg iti New World Translation, kas iti “Bible Words Indexed.” Bayat a makaurnong iti bukodna a teokratiko a libraria, ipakita kenkuana no kasanona nga usaren ti Comprehensive Concordance, Panakirinnason Manipud Kadagiti Kasuratan, ti Index, ken dagiti tomo iti Insight.
7 No suruan dagiti estudiante ti Biblia no kasano iti panagsagana ti panagadalda iti Biblia, makabalantayo ida nga agtultuloy nga agprogreso ti kinapudno uray kalpasan iti bukodda a panagadal ti Biblia iti pagtaengan.