Gimong ti Serbisio iti Disiembre
NOTA: Nangiyiskediolkami iti Gimong ti Serbisio iti kada lawas bayat dagiti bulan ti kombension. Mangaramid dagiti kongregasion iti panangitutop tapno mailugarda ti tumabuno iti kombension ken ti 30 minutos a repaso iti programa inton Gimong ti Serbisio iti sumaruno a lawas. Mabalin a kayat dagiti kongregasion ditoy Metro Manila nga iyiskediol daytoy a repaso a nasapa iti bulan, bayat a dagiti kongregasion dita probinsia ket aramidenda daytoy kalpasan ti kombensionda. Masapul a maituding a nasakbay iti repaso kadagiti dua wenno tallo a makabael a kakabsat a lallaki isuda a mangipamaysa kadagiti kangrunaan a puntos.
Lawas ti Disiembre 6-12
10 min: Lokal nga anunsio ken Dagiti Pakaammo manipud iti Ti Ministeriotayo iti Pagarian.
20 min: “Ti Pateg iti Biblia Ditoy Agdama a Lubong.” Diskusion ti manangaywan iti serbisio ken maysa nga agibumbunannag nga agngayangay a rumang-ay ti abilidadna iti panagbalaybalay a trabaho. Kalpasan a mausig ti parapo 3, kiddawen iti agibumbunannag nga ipadasna ti naisingasing a panangiparang nga agakem iti manangaywan ti serbisio kas bumalay. Kalpasan a mausig ti parapo 4, ipaay ti manangaywan iti serbisio ti naisingasing a panangiparang iti agibumbunannag.
15 min: “Tulongan Dagiti Estudiante ti Biblia nga Agsagana iti Panagadalda.” Saludsod ken sungbat. Basaen dagiti parapo no ipalubos ti tiempo.
Kanta 52 ken pangserra a kararag.
Lawas ti Disiembre 13-19
10 min: Lokal nga anunsio, agraman report iti kuenta.
20 min: “Ti Libro a Mangipaay iti Pudno a Panangidalan.” Saludsod ken sungbat a panangusig iti artikulo. Maidemostra ti panagsarungkar kas naiwayat iti parapo 3.
15 min: “Ti Yearbook—Maysa a Deposito ti Pammaregta.” Palawag, a maiyaplikar dagiti naisitar a kasuratan. Maiyurnos dagiti sumagmamano nga agibumbunannag a mangistoria kadagiti kapadasan a masarakan iti panid 32 ti Enero 1, 1990, Enero 1, 1987, ken Enero 1, 1986, a ruar dagiti Ti Pagwanawanan.
Kanta 165 ken pangserra a kararag.
Lawas ti Disiembre 20-26
10 min: Lokal nga anunsio ken Teokratiko a Damdamag iti panid 4.
20 min: “Makirinnasonkayo Kadi Manipud iti Kasuratan?” Mailawlawag kadagiti timmabuno. Kalpasan a mausig iti parapo 4, idemostra no kasano a ti agibumbunannag ket maisalaysayna iti kasuratan no kupado ti bumalay. Paregtaen dagiti amin a surotenda daytoy a singasing iti teritoria nga adu ti kupado a tattao. (2 Tim. 4:2) Sumaruno iti parapo 6, dawaten iti maysa nga agibumbunannag nga epektibo iti Panakirinnason a libro a mangisarita no kasanona nga usaren dayta iti panangasaba.
15 min: “Ti Agtultuloy a Panagsaknap Paaduenna iti Kasapulan a Kingdom Hall”—Paset 1. Saludsod ken sungbat kadagiti parapo 1-10 iti insert.
Kanta 108 ken pangserra a kararag.
Lawas ti Dis. 27–Ene. 2
10 min: Lokal nga anunsio. Kasta met, mailawlawag kadagiti dumdumngeg ti “Baro a Programa iti Asamblea ti Sirkito.”
15 min: Panangusar ti Katan-okan a Tao a Libro iti Enero. Diskusion dagiti timmabuno. Dagitoy dagiti maisaludsod: Ania a pakasarsaritaan iti ministerio ni Jesus ti magustuanyo unay? Apay a magustuanyo unay dayta? Ania ti pateg daytoy a libro kadakayo? Ania ti naaammuanyo maipapan ken Jehova iti panangadalyo iti daytoy? Ania a punto(s) ti nausaryon iti ministerio? Paidemostra iti maysa a napnuan kapadasan nga agibumbunannag ti panangiparang iti libro.
20 min: “Ti Agtultuloy a Panagsaknap Paaduenna iti Kasapulan a Kingdom Hall”—Paset 2. Palawag ti maysa a panglakayen kadagiti parapo 11-19 iti insert.
Kanta 94 ken pangserra a kararag.