Gimong ti Serbisio iti Enero

Lawas ti Enero 3-9

Kanta 205

10 min: Lokal nga anunsio ken Dagiti Pakaammo manipud iti Ti Ministeriotayo iti Pagarian.

20 min: “Tulongan Dagiti Sabsabali a Mangadal Maipapan iti Anak ti Dios, ni Kristo Jesus.” Saludsod ken sungbat a panangwanas. Maidemostra ti panangiparang iti parapo 2 (babaen ti addaan kapadasan nga agibumbunannag) ken ti parapo 4 (babaen ti agtutubo nga agibumbunannag).

15 min: “Panangitiempo iti Panagmagasina a Trabaho.” Palawag, a makiraman dagiti timmabuno ti diskusion. No mausig ti parapo 3, mailadawan no kasano a dagiti nagduduma nga artikulo iti agdinama a magasina ket maiparangda kadagiti nagduduma a tipo ti tattao a masabet iti lokal a teritoriayo.

Kanta 169 ken pangserra a kararag.

Lawas ti Enero 10-16

Kanta 146

10 min: Lokal nga anunsio. Mairaman met ti narayray a palawag iti artikulo a “Ministerial Training School.”

15 min: Nakasaganakayo Kadin a Mangsango iti Makakarit Pammati a Medikal a Kasasaad? Nabiag a palawag iti makabael a panglakayen a tumulong ti kakabsat a mangipateg iti pagimbagan ti Advance Medical Directive/Release card, a mausar dagiti punto manipud parapo 1-3 idiay insert iti Pebrero 1991 a Ti Ministeriotayo iti Pagarian. Nadlaw nga adu dagiti kard ti saan a napirmaan, nasaksian, ken napetsaan. Maiwaras dagiti baro a kard kadagiti bautisado laeng nga agibumbunannag, kalpasanna mausig daydiay Nobiembre 1, 1991 a surat a mangiwanwan iti pannakasurat dagiti kard. Balakadan dagiti kakabsat a SAANDA a suratan dagiti kard iti dayta a rabii ngem iyawidda tapno suratanda sadiay. Ngem SAANDA PAY A PIRMAAN ti kard iti dayta. Itugotda dagiti nasuratan a kard iti sumaruno a Panagadal ti Libro iti Kongregasion, a sadiay dagiti panglakayen ti tumulong a kumita no napirmaan, nasaksian, ken napetsaan.

20 min: “Panangirugi Kadagiti Panagadal ti Biblia iti Enero.” Saludsod ken sungbat a panangwanas. No tingitingen ti parapo 4, idemostra no kasano a mairugi iti panagadal ti Biblia iti panagsarungkar.

Kanta 154 ken pangserra a kararag.

Lawas ti Enero 17-23

Kanta 167

10 min: Lokal nga anunsio ken report iti kuenta. Mairaman ti subalit dagiti donasion. Palagipan dagidiay saan pay a nakakompleto iti Advance Medical Directive/Release card nga aramidendan iti dayta a rabii babaen ti iyaasidegda kadagiti konduktor iti Panagadal ti Libro iti Kongregasion wenno ti maysa kadagiti panglakayen.

15 min: “Danonenyo ti Puso iti Estudianteyo ti Biblia.” Saludsod ken sungbat nga addaan demostrasion. Kalpasan a mausig ti parapo 3, idemostra iti agibumbunannag no kasano ti panakirinnason iti estudiante ti Biblia babaen iti panangusar kadagiti saludsod ken kasuratan manipud ti parapo 13 ken 14 iti kapitulo 1 ti Agbiag nga Agnanayon a libro.

20 min: “Agtutubo​—Paragsakenyo iti Puso ni Jehova.” Ilawlawag ti maysa a panglakayen kadagiti dua wenno tallo nga agtutubo a bautisado nga agibumbunannag iti parapo 1-18 ti insert. Maigunamgunam iti pateg dagiti “Agimtuod Dagiti Agtutubo . . . ” nga artikulo. Mausig dagiti kasuratan kas ipalubos ti tiempo.

Kanta 80 ken pangserra a kararag.

Lawas ti Enero 24-30

Kanta 178

10 min: Lokal nga anunsio ken Teokratiko a Damdamag.

20 min: “Agtutubo​—Paragsakenyo iti Puso ni Jehova.” Saludsod ken sungbat a panangusig iti parapo 19-33 ti insert. Masaludsodan iti maysa wenno dua nga agtutubo. Maala dagiti komento no kasano a nakatulong ti kongregasion iti espiritual a panagmataenganda.

15 min: Aktibidad ti Kongregasion iti Tay-ak. Repasuen ti manangaywan iti serbisio ken sabali a panglakayen dagiti aktibidad ti kongregasion iti napalabas nga uppat a bulan. Kakatlo ti tawen iti serbisio ti napalabasen (Setiembre-Disiembre). Komusta iti naaramidan ti kongregasion? Maipaay ti napudno a komendasion iti nagimbagan ti kongregasion. Madakamat met dagiti punto a masapul a parang-ayen ti kongregasion ken maitukon dagiti praktikal a singasing. Ingudo iti positibo, makaparegta a tonada. Naggubuay ti rag-o ni Jesus iti panangiringpasna ti ministeriona. Maragsakantayo met no kupadotayo iti trabaho ni Jehova nga impaayna kadatayo.​—Juan 4:34; 1 Cor. 15:58.

Kanta 179 ken pangserra a kararag.

Lawas ti Ene. 31–Peb. 6

Kanta 186

5 min: Lokal nga anunsio. Paregtaen dagiti amin a sapaenda ti mangrugi idiay tay-ak iti serbisio babaen ti pannakipasetda iti ngudo ti lawas.

15 min: Panangiparang iti Mabalinyo ti Agbiag nga Agnanayon iti Paraiso a Daga iti Balaybalay. Ababa a nasanikar a palawag iti napatalgedan a pateg ti libro a tumulong iti tattao a mangammo ken agdayaw ken Jehova. Idemostra no kasano a maitukon daytoy ti maysa nga agibumbunannag iti serbisio bayat ti ngudo iti lawas.

15 min: Napamiliaan nga Usar ti Baro a Yearbook. Idaulo ti ulo iti pamilia ti sangakabbalayan a repaso iti mangiruangan a material ti umuna a sumagmamano a pinanid iti 1994 Yearbook. (No ti baro a Yearbook ket awan pay, mausar ti napalabas a tawen iti daytoy a diskusion.) Maingudo babaen ti maituyang nga urnos kadagiti pamilia a basaenda iti sumagmamano a pinanid ti Yearbook iti kada lawas.

10 min: Dagiti lokal a kasapulan. Wenno palawag ti maysa a panglakayen iti “Maaddaankay Koma iti Umiso a Panangmatmat iti Asi ti Dos,” a naibasar iti Ti Pagwanawanan, Oktubre 1, 1993, pinanid 22-5.

Kanta 188 ken pangserra a kararag.

Report ti Serbisio iti Setiembre

Pro. Pro. Pro. Pro.

Bilang ti: Oras Mag. P.S. P.B.

Esp. Pay. 679 132.8 24.1 42.5 6.7

Reg. Pay. 17,090 71.2 11.2 19.1 3.0

Aux. Pay. 2,611 51.7 8.9 10.7 1.5

Man. 93,248 8.8 1.8 2.3 0.4

DAGUP 113,628 Nabautisaran: 275

Panagadal ti Libro iti Kongregasion

Iskediol ti kongregasion iti panagadal ti libro a Ti Katan-okan a Tao a Nagbiag Pay Laeng.

Ene. 3-9: Kapitulo 117-118

Ene. 10-16: Kapitulo 119-120

Ene. 17-23: Kapitulo 121-122

Ene. 24-30: Kapitulo 123-124

Ene. 32–Peb. 6: Kapitulo 125-126

Teokratiko a Damdamag

Kadagiti lima nga stadium iti Manila, Quezon City, ken Marikina, a nakaaramidan ti “Nadiosan a Sursuro” nga Internasional a Kombension, agdagup iti 67,548 ti timmabuno iti palawag ti publiko. Isu daytoy ti kangatuan pay laeng a naragpat a timmabuno iti Metro Manila. Ti bilang iti nabautisaran isut’ 985. Adda 3,914 nga opisial a delegado a timmabuno manipud iti 36 a pagilian.