Tip iti Panagadal

Agbirok Kadagiti Naespirituan a Gameng Maipapan ken Jehova

No agbasbasatayo iti Biblia, mabalintayo ti ag-research tapno mas maawatantayo ti basbasaentayo. Ngem saantay la koma nga agadal tapno umadu ti pannakaammotayo iti Biblia. Kayattayo ti agbirok kadagiti naespirituan a gameng maipapan iti personalidad ni Jehova tapno ad-adda nga umuneg ti panagayattayo kenkuana. Tapno maaramidtayo dayta, mabalintayo nga isaludsod iti bagitayo, ‘Ania ti isuro kaniak daytoy a bersikulo ti Biblia maipapan ken Jehova?’

Mabalintayo ti ag-research no kasano nga impakita ni Jehova ti ayat, sirib, kinahustisia, ken pannakabalinna. Ngem saan la a dagita a kualidad ti karaman iti personalidad ni Jehova. Adda pay ti dadduma a nagsasayaat a kualidadna. Pakabirokam iti ad-adu nga impormasion maipapan kadagiti kualidadna?

Kitaem ti nasurok a 50 a dadduma pay a kualidad a makita iti Watch Tower Publications Index iti heading a “Jehovah” ken iti subheading a “Qualities by Name.” I-research-mo ti maibagay iti basbasaem a salaysay ti Biblia. (No ti adda laeng kenka ket ti Giya iti Panagsukimat Para Kadagiti Saksi ni Jehova, birokem ti suheto a “Jehova a Dios” ken ti subtitulo a “Kualidad ni Jehova.”)