Isaganam ti Pusom

No agad-adaltayo iti Biblia, kayattayo a dumanon iti pusotayo dagiti masursurotayo maipapan ken Jehova. Nagsayaat ti inyulidan ni Esdras ta “insagana[na] ti pusona a mangadal iti Linteg ni Jehova.” (Esd. 7:10) Kasanotayo a maisagana ti pusotayo?

Agkararagka. Sakbayka nga agadal, agkararagka nga umuna. Kiddawem ken Jehova a tulongannaka tapno maawatam dagiti ad-adalem ken mayaplikarmo dagita.—Sal. 119:​18, 34.

Agbalinka a napakumbaba. Ti kinapudno ket saan nga ipakaammo ti Dios kadagiti napannakkel ken agpampannuray iti bukodda a pannakaawat. (Luc. 10:21) Saanka nga agadal tapno laeng mapabilibmo ti dadduma. Sipapakumbaba a balbaliwam ti panagpampanunotmo no maikontra dayta iti panagpampanunot ti Dios.

Dumngegka iti kanta ti Pagarian. Ti musika matukayna ti riknatayo. Isu a no dumngegtayo iti musika sakbay nga agadaltayo, maisaganatayo ti pusotayo. Iti kasta, makapagpokustayo ken Jehova ken dumanon iti pusotayo dagiti masursurotayo.