11 Ef hann hefur ekki efni á tveim turtildúfum eða tveim ungum dúfum á hann að færa tíunda hluta úr efu*+ af fínu mjöli að syndafórn fyrir syndina sem hann hefur drýgt. Hann á ekki að blanda það olíu eða leggja reykelsi ofan á það því að þetta er syndafórn. 12 Hann á að færa prestinum það og presturinn skal taka handfylli af því til tákns um alla fórnina* og láta það brenna á altarinu ofan á eldfórnum Jehóva. Þetta er syndafórn.

25 „Segðu Aroni og sonum hans: ‚Þetta eru lögin um syndafórnina:+ Það á að slátra syndafórninni+ frammi fyrir Jehóva á sama stað og brennifórninni er slátrað. Hún er háheilög. 26 Presturinn sem færir syndafórnina á að borða hana.+ Hennar skal neytt á heilögum stað, í forgarði samfundatjaldsins.+