Söngljóð eftir Asaf.+
82 Guð tekur sér stöðu í söfnuði sínum,+
hann dæmir mitt á meðal guðanna:+
2 „Hve lengi ætlið þið að fella rangláta dóma+
og styðja málstað hinna illu?+ (Sela)
3 Verjið bágstadda og föðurlausa.+
Látið hina hjálparvana og fátæku ná rétti sínum.+
4 Bjargið hinum bágstöddu og fátæku,
frelsið þá úr hendi hinna illu.“
5 Þeir vita ekkert og hafa engan skilning,+
þeir ráfa um í myrkri.
Allar undirstöður jarðar riða.+
6 „Ég hef sagt: ‚Þið eruð guðir,+
þið eruð allir synir Hins hæsta.
7 En þið deyið eins og venjulegir menn+
og fallið eins og hver annar höfðingi!‘“+
8 Gakktu fram, Guð, og dæmdu jörðina+
því að allar þjóðir tilheyra þér.