Sálmur
Eftir Davíð.
28 Til þín hrópa ég stöðugt, Jehóva, klettur minn,+
hunsaðu mig ekki.
2 Heyrðu grátbeiðni mína þegar ég hrópa til þín á hjálp
og lyfti höndum mínum í átt að innsta herberginu í helgidómi þínum.+
3 Dragðu mig ekki fyrir dóm með illvirkjum og skaðræðismönnum,+
þeim sem tala vingjarnlega við náunga sinn en hafa illt í hyggju.+
4 Launaðu þeim eftir verkum þeirra,+
eftir afbrotum þeirra.
Refsaðu þeim fyrir verk handa þeirra,
fyrir allt sem þeir hafa gerst sekir um,+
5 því að þeim stendur á sama um verk Jehóva,+
öll handaverk hans.+
Hann rífur þá niður og reisir þá ekki aftur við.
6 Lofaður sé Jehóva
því að hann hefur heyrt grátbeiðni mína.
Hann hefur hjálpað mér og hjarta mitt fagnar.
Þess vegna lofa ég hann í söng.
9 Frelsaðu þjóð þína og blessaðu eign þína.+
Vertu hirðir hennar og berðu hana að eilífu í fangi þér.+