Sálmur
Harmljóð eftir Davíð sem hann söng fyrir Jehóva vegna orða Kúss Benjamíníta.
7 Jehóva Guð minn, hjá þér leita ég athvarfs.+
Frelsaðu mig frá öllum sem ofsækja mig og bjargaðu mér+
2 svo að þeir rífi mig ekki sundur eins og ljón,+
dragi mig burt án þess að nokkur komi mér til bjargar.
3 Er við mig að sakast, Jehóva Guð minn?
Hafi ég gert eitthvað rangt,
4 gert á hlut þess sem vill mér vel+
eða rænt óvin minn að ástæðulausu*
5 þá má óvinur minn elta mig og ná mér,
traðka líf mitt til jarðar
svo að reisn mín hverfi í duftið. (Sela)
6 Láttu til þín taka í reiði þinni, Jehóva.
Rístu upp gegn ofsa óvina minna.+
Vaknaðu og hjálpaðu mér,
fyrirskipaðu að réttlætið nái fram að ganga.+
7 Þjóðirnar safnist saman umhverfis þig,
leggðu til atlögu gegn þeim frá hæðum.
8 Jehóva fellir dóm yfir þjóðunum.+
Dæmdu mig, Jehóva,
eftir réttlæti mínu og ráðvendni.+
9 Láttu verk hinna vondu taka enda
og hina réttlátu standa styrkum fótum+
því að þú ert réttlátur Guð+ sem rannsakar hjörtun+ og innstu tilfinningar manna.*+
10 Guð er skjöldur minn,+ hann frelsar hjartahreina.+
13 Hann hefur banvæn vopn sín til reiðu,
ber eld að örvum sínum.+
14 Líttu á þann sem er þungaður að illsku,
hann gengur með ógæfu og fæðir lygar.+
15 Hann grefur gryfju og gerir hana djúpa
en fellur sjálfur í hana.+
16 Ógæfan sem hann veldur kemur honum sjálfum í koll,+
ofbeldisverkin koma yfir höfuð hans.