Jeremía

21 Orð Jehóva kom til Jeremía þegar Sedekía+ konungur sendi til hans Pashúr+ Malkíason og Sefanía+ Maasejason prest með þessa beiðni: 2 „Leitaðu ráða hjá Jehóva fyrir okkur því að Nebúkadnesar* konungur Babýlonar herjar á okkur.+ Kannski vinnur Jehóva eitt af sínum stórkostlegu kraftaverkum fyrir okkur svo að hann hörfi frá okkur.“+

3 Jeremía sagði við þá: „Skilið þessu til Sedekía: 4 ‚Jehóva Guð Ísraels segir: „Ég sný vopnunum í höndum ykkar gegn ykkur, þeim sem þið notið til að berjast við konung Babýlonar+ og Kaldeana sem eru fyrir utan múrana og sitja um ykkur. Ég ætla að safna þeim saman í miðri borginni. 5 Ég mun sjálfur berjast gegn ykkur+ með útréttri hendi og sterkum handlegg, með reiði, heift og mikilli bræði.+ 6 Ég mun slá íbúa þessarar borgar, bæði menn og skepnur. Þeir munu deyja úr skæðri drepsótt.“‘*+

7 ‚„Eftir það,“ segir Jehóva, „gef ég Sedekía Júdakonung, þjóna hans og íbúa þessarar borgar – þá sem lifa af drepsóttina, sverðið og hungursneyðina – í hendur Nebúkadnesars* Babýlonarkonungs, í hendur óvina þeirra og í hendur þeirra sem vilja drepa þá.+ Hann mun drepa þá með sverði og hvorki finna til með þeim, kenna í brjósti um þá né sýna þeim nokkra miskunn.“‘+

8 Og þú skalt segja þessu fólki: ‚Jehóva segir: „Ég legg fyrir ykkur veg lífsins og veg dauðans. 9 Þeir sem verða eftir í borginni falla fyrir sverði, hungursneyð og drepsótt. En allir sem fara út og gefast upp fyrir Kaldeunum sem sitja um ykkur munu halda lífi og fá líf sitt að herfangi.“‘*+

10 ‚„Ég hef snúið andliti mínu gegn þessari borg, henni til ógæfu en ekki til blessunar,“+ segir Jehóva. „Hún verður gefin í hendur Babýlonarkonungs+ sem brennir hana til grunna.“+

11 Til allra í húsi Júdakonungs: Heyrið orð Jehóva. 12 Þú ætt Davíðs, þetta segir Jehóva:

‚Þið segið: „Hver getur ráðist á okkur?

Og hver getur ruðst inn í híbýli okkar?“