Uppfylling Biblíuspádóms

Í STRÍÐSMINJASAFNINU Imperial War Museum í Lundúnum getur að líta sérstæða klukku ásamt stafrænum teljara. Meðan klukkuvísirinn snýst smellur í teljaranum með 3,31 sekúndu millibili og talan, sem hann sýnir, hækkar um einn í hvert sinn. Hver smellur og hver tala táknar karl, konu eða barn sem dáið hefur af völdum hernaðar á þessari öld.

Teljarinn var gangsettur í júní 1989 og búist er við að hann ljúki talningunni á miðnætti um áramótin 2000. Þá verður teljarinn kominn upp í eitt hundrað milljónir — en það er sá fjöldi sem áætlað er að deyi af völdum hernaðar á 20. öldinni.

Fyrir nálega 2000 árum spáði Jesús að sá tími kæmi er ‚þjóð myndi rísa gegn þjóð og ríki gegn ríki.‘ Í samræmi við þennan spádóm hafa vottar Jehóva prédikað lengi að hinar hrikalegu styrjaldir þessarar aldar, ásamt ótal jarðskjálftum, drepsóttum, hallærum og öðru slíku, séu samanlagt sönnun þess að við lifum á „síðustu dögum“ — tímanum eftir krýningu Jesú Krists sem konungs á himnum árið 1914. — Lúkas 21:10, 11; 2. Tímóteusarbréf 3:1.

Varðturninn notar Biblíuna sem heimild og boðar það fagnaðarerindi að bráðlega eyði Guðsríki öllum kúgurum og breyti jörðinni í paradís. Og hvað um hernað? Biblían segir: „Komið, skoðið dáðir [Jehóva], hversu hann framkvæmir furðuverk á jörðu. Hann stöðvar styrjaldir til endimarka jarðar, brýtur bogann, slær af oddinn, brennir skjöldu í eldi.“ — Sálmur 46:9, 10.

[Rétthafi á blaðsíðu 32]

Klukka: Með leyfi Imperial War Museum