Ætlar þú að taka mark á viðvöruninni?

HINN 19. maí 1997 gekk fellibylur yfir Chittagong-hérað í Bangladess. Í bænum Cox Bazaar mældist vindhraðinn upp undir 250 kílómetrar á klukkustund. Sveitakofar með stráþökum hreinlega hurfu. Ekkert var eftir nema litlir moldarferningar þar sem þeir höfðu staðið. Tré og símastaurar rifnuðu upp eða brotnuðu í tvennt eins og eldspýtur. Að sögn dagblaðsins Bhorar Kagoj varð fellibylurinn 105 manns að bana.

Veðurstofan sendi út upplýsingar um áætlaða braut fellibylsins með um 36 stunda fyrirvara. Eflaust hafa hundruð þúsunda manna bjargað lífi sínu með því að leita skjóls í þar til gerðum steinsteypubyrgjum.

Í meira en hundrað ár hafa vottar Jehóva borið út fréttir af yfirvofandi heimshamförum sem valda munu margfalt meiri eyðileggingu en nokkur fellibylur. Biblían kallar þær ‚hinn mikla og ógurlega dag Jehóva.‘ (Jóel 2:31) Með því að taka mark á hinni spádómlegu viðvörun Biblíunnar getum við komist óhult undan. — Sefanía 2:2, 3.

Vottar Jehóva eru engir dómsdagsspámenn. Þeir eru boðberar vonar. Þeir vilja hjálpa fólki að fræðast um ríki Guðs sem bráðlega eyðir öllu ranglæti á jörðinni. Orð Guðs, Biblían, segir: „Innan stundar eru engir guðlausir til framar, þegar þú gefur gætur að stað þeirra, eru þeir horfnir. En hinir hógværu fá landið til eignar, gleðjast yfir ríkulegri gæfu.“ — Sálmur 37:10, 11.

[Rétthafi myndar á blaðsíðu 32]

WHO/Rauði krossinn