Tilkynningar

◼ Ritatilboðið í ágúst: Nota má hvern sem er af eftirtöldum 32 blaðsíðna bæklingum: Andar hinna dánu, Ber Guð í raun umhyggju fyrir okkur?, Hver er tilgangur lífsins?, Nafn Guðs sem vara mun að eilífu, „Sjá, ég gjöri alla hluti nýja,“ Stjórnin sem koma mun á paradís, Þegar ástvinur deyr . . . og Ættum við að trúa á þrenninguna? September: Lífið — varð það til við þróun eða sköpun? Október: Varðturninn og Vaknið! Þegar augljóst er í endurheimsóknum að húsráðendur hafi áhuga á að lesa blöðin má gjarnan bjóða áskrift að blöðunum. Síðari hluta mánaðarins verður hafist handa við að dreifa Fréttum um Guðsríki nr. 35. Nóvember: Dreifingu Frétta um Guðsríki nr. 35 verður haldið áfram. Söfnuðir, sem ljúka við að fara yfir starfssvæði sitt með því að ná til húsráðenda á sérhverju heimili eða dvalarstað með eintak af Fréttum um Guðsríki nr. 35, geta að því búnu boðið Þekkingarbókina.

◼ Á ýmsum tímum ársins eru í sérhverju samfélagi hátíðisdagar af mismunandi tilefni og hafa nemendur þá oft frí úr skóla og launþegar frí úr vinnu. Slíkir dagar veita söfnuðinum gott tækifæri til að auka hlutdeild sína í boðunarstarfinu. Öldungarnir ættu að kanna dagatalið til þess að sjá fyrir hvenær slík tækifæri veitast og láta söfnuðinn vita með góðum fyrirvara um þær ráðstafanir sem hægt er að gera til hópstarfs á slíkum frídögum.

◼ Nægilegt magn eyðublaða til þess að nota allt þjónustuárið 1998 verður sent til allra safnaða á næstunni. Vinsamlega gætið þess að nota þessi eyðublöð skynsamlega og forðast óþarfa sóun. Þau skal nota aðeins í þeim tilgangi sem þeim er ætlaður.

◼ Hver söfnuður mun fá þrjú eintök af ritatalningareyðublaðinu (S(d)-18). Ritari safnaðarins ætti að hafa fund með bókaþjóninum snemma í ágúst og ákveða dag í lok mánaðarins til að telja bókabirgðir safnaðarins. Raunveruleg talning verður að eiga sér stað og skal niðurstaðan færð á eyðublaðið. Blaðaþjónninn skyldi gefa upp hversu mörg blöð eru tiltæk í lok mánaðarins. Sendið frumritið til Félagsins ekki síðar en 6. september. Haldið eftir afriti fyrir skjalasafn safnaðarins. Þriðja eintakið má nota sem vinnublað. Ritarinn ætti að hafa umsjón með talningunni og umsjónarmaður í forsæti ætti að yfirfara hið útfyllta eyðublað. Ritarinn og umsjónarmaður í forsæti munu undirrita ritatalningareyðublaðið eftir að það hefur verið útfyllt.

◼ Söfnuðir geta pantað Dagatal votta Jehóva 1998 og bæklinginn Rannsökum daglega ritningarnar 1998 á pöntunareyðublaðinu í september. Dagatalið verður eins og undanfarin ár fáanlegt á allmörgum tungumálum en þó ekki á íslensku. Frekari upplýsingar má fá í bókadeild safnaðarins.