2 Samvinna

HVAÐ FELUR HÚN Í SÉR?

Þegar hjón vinna saman eru þau eins og flugstjóri og aðstoðarflugmaður í sömu flugvél. Þegar vandamál koma upp hugsa þau ekki: „Hvað ætla ég að gera?“ heldur „Hvað ætlum við að gera?“

MEGINREGLA: „Þannig eru þau ekki framar tvö heldur einn maður.“ – Matteus 19:6.

„Hjónabandið er ekki einleikur. Til þess að það verði farsælt verða hjónin að vinna saman.“ – Christopher.

HVERS VEGNA ER SAMVINNA MIKILVÆG?

Þegar upp kemur ágreiningur eiga hjón, sem ekki vinna saman, það til að ráðast hvort á annað í stað þess að ráðast saman á vandann. Smávægilegur ágreiningur verður að risastórri hindrun.

„Samvinna er lykilatriði í hjónabandi. Ef ég og maðurinn minn værum ekki dugleg að vinna saman værum við í raun bara samleigjendur en ekki hjón. Það væri erfitt að taka stórar ákvarðanir í sameiningu undir slíkum kringumstæðum.“ – Alexandra.

ÞAÐ SEM ÞÚ GETUR GERT

SJÁLFSRANNSÓKN

• Lít ég á launin mín sem einkaeign mína?

• Þarf ég að vera fjarri maka mínum til þess að slaka almennilega á?

• Held ég ákveðinni fjarlægð frá fjölskyldu maka míns jafnvel þótt hann sé náinn henni?

RÆDDU VIÐ MAKA ÞINN

• Á hvaða sviðum vinnum við vel saman í hjónabandinu?

• Á hvaða sviðum gætum við bætt okkur?

• Hvernig getum við bætt liðsandann?

RÁÐ

• Ímyndaðu þér að tennisleikur sé í gangi þar sem þið eruð mótherjar. Hvaða skref þyrftirðu að taka til þess að þið getið orðið liðsfélagar?

• Í stað þess að hugsa: „Hvernig get ég unnið?“ skaltu hugsa „Hvernig getum við bæði unnið?“

„Ekki hugsa um hvort ykkar hafi rétt fyrir sér. Það er langtum mikilvægara að varðveita frið og einingu í hjónabandinu.“ – Ethan.

MEGINREGLA: „Lítið ekki aðeins á eigin hag heldur einnig annarra.“ – Filippíbréfið 2:3, 4.