Söngur 99
Lofum nýjan konung jarðar
1. Sjá, mikinn múg af hverjum lýð
og kynkvíslum og þjóðum.
Þeim Kristur safnar saman nú
því tíminn styttist óðum.
Guðs vilji bráðum verður hér
því voldugt ríkið stofnsett er.
Sú góða von mönnum gæfu ber,
huggun gefur vegamóðum.
(VIÐLAG)
Lofum Jehóva og
lofum Jesú Krist því
leyst hefur okkur hans lausnarfórn.
Von um eilíft líf við eigum á jörð
brátt undir Guðs friðarstjórn.
2. Við hyllum okkar konung Krist
með helgum gleðiljóðum
því hógvær Friðarhöfðinginn
ljær frelsun mönnum góðum.
Sú fagra tíð brátt fer í hönd
er fjötrar hverfa um öll lönd.
Með upprisu fyrnast feigðarbönd,
jörðin fyllist gleðihljóðum.
(VIÐLAG)
Lofum Jehóva og
lofum Jesú Krist því
leyst hefur okkur hans lausnarfórn.
Von um eilíft líf við eigum á jörð
brátt undir Guðs friðarstjórn.
(Sjá einnig Sálm. 2:6; 45:2; Jes. 9:6; Jóh. 6:40.)