Temjum okkur góðvild

1. Við sem góðvild Guðs vel þekkjum

njótum gleði daglega.

Góður faðir, hæst á himni,

á hvern hátt er Jehóva.

Sýnir okkur meiri miskunn

en við megum búast við.

Hann á skilið dygga dýrkun,

þjónum dugleg við hans hlið.

2. Okkur gerði Guð mjög lík sér

svo við gætum ræktað vel

hverja dyggð sem hann þá hefur,

góðvild hans og kristið þel.

Látum góðvild okkar aukast,

dyggðir iðkum skaparans.

Biðjum oft um andann helga

svo við ávöxt berum hans.

3. Við sem öll í trúnni tengjumst

myndum trúfast bræðralag.

Þar er sýnd mjög sérstök góðvild

þótt við sinnum allra hag.

Er við góðar fréttir flytjum,

von um frið og betri heim,

gerum aldrei mun á mönnum,

sýnum mikla góðvild þeim.